තම පියාගේ රජය දෙමළ ජනතාව සමග යුද්ධයක් නොකළ බවත් කාටවත් පරාජය කළ නොහැකි බව කී ත්රස්තවාදී කණ්ඩායමක් රණ විරුවන් විසින් පරාජය කළ බවත් ප්රකාශ කරන නාමල් රාජපක්ෂ නිදහස් දිනය දා හෝ රටේ රාජ්ය නායකයාට ඒ බව අභිමානයෙන් කිමට කොන්දක් මෙන්ම අභිමානයක් ද නොමැති බව පොදු ජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ පවසයි.
ඔහු මේ බව ප්රකාශ කළේ අද දින (05.02.2026) දින සිදුකළ පාර්ලිමේන්තු කතාවේදීය.
මෙහිදී වැඩිදුරටත් අදහස් දැක්වූ නාමල් රාජපක්ෂ මෙසේ ද පැවසුවේය.
“ දීපු පොරොන්දු ඉටුකර ගන්න බැරි වෙනකොට අරෙහෙ දිට්වා ගැන කතා කරනවා ඇහුණා. නිදහස් දිනයෙදිත් යුද්ධයේ අවසන් කරපු එක ආඩම්බරයෙන් කතා කරන්න බෑ. ලෝකයේ හැම රටක්ම නිදහස සමරනකොට රෙජිමේන්තුව පිළිබඳව ඒ යුනිට් එක පිළිබඳව ඔවුන්ගේ ක්රියාකාරකම් ගැන ලෝකෙට කියනවා. සමහර රටවල් දෙවන ලෝක යුද්දෙදි පළමු ලෝක යුද්දෙදි ලබාගෙන ජයග්රහණ ගැනත් කියනවා. හැබැයි අපේ රටේ අපි වෙඩිමුර විසිඑක පැත්තකින් තියමුකෝ. අඩුම ගානේ රෙජිමේන්තුවක් ලබාගත් ජයග්රහණ පිළිබඳව, එය කරපු කැපවීම ඒ තරුණ ජීවිත තමන්ගේ යුනිට් එක ලබපු ජයග්රහණය පිළිබඳව ආඩම්බරයෙන් කතා කරන්න බැරි නම් රටේ තියෙන ආණ්ඩුවට, ආණ්ඩුව හිතනවා හිතනවනම් එල්.ටී.ටී.ඊ ත්රස්තවාදය පරාජය කරපු එක ජාතිවාදයක් කියලා… නෑ ඒක ජාතිවාදය නෙවෙයි.”
“අපි දෙමළ ජනතාව එක්ක යුද්ධ කරේ නෑ. ලෝකයේ කාටවත් පරාජය කරන්න බෑ කියපු ත්රස්තවාදය තමයි අපේ ත්රිවිධ හමුදාව පොලිසිය සිවිල් ආරක්ෂක බලකාය පරාජය කළේ. අපේ රටේ නිදහස් දිනයේ රටේ රාජ්ය නායකයාට ඒක අභිමානයෙන් කියන්න කොන්දක් නැත්නම් ආණ්ඩුවට රාජ්ය නායකයට එක පිළිගන්න හයියක් නැත්නම් ආත්ම ශක්තියක් නැත්නම් ඒක ප්රශ්නයක්… ඔබතුමන්ලාගේ පෞද්ගලික දේශපාලන ගමන ඇතුලේ පොලිසිය හමුදාව ගැන ප්රශ්නයක් තියෙනවා. හැබැයි ඔබතුමන්වත් සමරනවනෙ කට්ටිය. හැබැයි එහෙම සැමරුවා කියලා අපි ඔබේ දේශපාලන න්යායපත්රයට අපි මොකුත් කියන්නෙ නෑනේ. ඒක ඔබේ දේශපාලනය . හැබැයි අඩුගානේ යුද්ධය අවසන් කරන්න කැප වෙච්ච රණවිරුවන්ව ජාතික දිනයේදීවත් අගය කරන්න ආත්ම ශක්තියක් කොන්දක් නැත්නම් එතනින් එහාට මේ ආණ්ඩුවේ ක්රියා කලාපය ගැන කතා කරලා තේරුමක් නැහැ.”
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
