ශ්රියානි විජේසිංහ –
මෙරට පෙර පාසල් 19000ක පෙරපාසල් ගුරුවරුන් 34000ක් සිටින නමුත් ඔවුන් අතර පූර්ව ළමා විය සංවර්ධනය වෙනුවෙන් විධිමත් පුහුණුවක් ලද පෙරපාසල් ඩිප්ලෝමාධාරීන් සිටිනුයේ 6000ක පිරිසක් යැයි අධ්යාපන අමාත්ය සුසිල් ප්රේමජයන්ත සඳහන් කරයි.
වසර 2025 සිට අධ්යාපන ප්රතිසංස්කරණ සමස්ත අධ්යාපන ක්ෂේත්රය තුළ ක්රියාවට නංවන්නේ නම් පළමුවැනි ශ්රේණියට ප්රවේශ කරවන දරුවන්ගේ පූර්ව ළමා විය සංවර්ධනය ද ඒ හා අනුගත විය හැකි අයුරින් සිදුකළ යුතු බවද අමාත්යවරයා පවසා සිටියි.
මේ අනුව රාජ්ය පෞද්ගලික සියලුම පෙර පාසල් පොදු විෂය රාමුවක් පවත්වාගෙන යාමට ජාතික මට්ටමින් ප්රතිපත්තිමය වැඩපිළිවෙළක් අත්යවශ්ය වන බවද ඇමතිවරයා අවධාරණය කරයි.
බොහෝ දියුණු රටවල පූර්ව ළමාවිය සංවර්ධනය වෙනුවෙන් සුවිශේෂීය අවදානය යොමු කරන නමුත් මෙතෙක් මෙරට පූර්ව ළමාවිය සංවර්ධනය වෙනුවෙන් නිසි අවධානයක් යොමු කර නොමැති බවද ඇමතිවරයා පවසා සිටියි.
නුපුහුණු පෙරපාසල් ගුරුවරුන්ට අධ්යාපන අමාත්යංශයේ මෙහෙය වීම මත ජාතික අධ්යාපන ආයතනය විසින් ලබා දෙන පුහුණු වැඩසටහනේ සමාරම්භක උත්සවයට එක්වෙමින් ඇමතිවරයා මෙම අදහස් පළ කළේය.
