ගුවන් නියමුවන් සේවයෙන් ඉවත් වී යෑම හේතුවෙන් ශ්රි ලංකන් ගුවන් සේවය දැඩි අබිගොත්මක තත්ත්වයකට මුහුණ දි සිටියද තමත් එය පාලනය කර ගත හැි මට්ටම පවතින බව සමාගමේ ප්රධාන විධායක නිළධාරී රිචඩ් නටාල් පවසයි.
2022 අග භාගයේ සිට නියමුවන් සේවයෙන් ඉවත් වී යෑම් වැඩි වූ අතර මේ වන විට එම තත්ත්වය තරමක් දුරට මන්දගාමී වී ඇතැයි ඔහු ඩේලි මිරර් වෙත අදහස් දක්වමින් පවසා තිබිණි. “මේ ගැන අපි අවධානය යොමු කරනවා.. ඒත් කලබල වෙන්නේ නෑ.. මේ මොහොතේ තත්ත්වය තදබලයි. ඒත් අවුලක් නෑ..”
ශ්රී ලංකන් ගුවන් සමාගමේ නියමුවන්ට ලබාදෙන පුහුණුවීම හේතුවෙන් අනෙක් ජාත්යන්තර ගුවන් සමාගම් ඔවුන්ව බඳවා ගැනීමට වැඩි කැමැත්තක් දක්වන බව ද නටාල් පෙන්වා දුන්නේය.
කෙසේ වෙතත් ගුවන් නියමුවන්ගේ හිඟය විසඳා ගැනීම සඳහා ගුවන් නියමුවන් බඳවා ගනිමින් සිටින අතර කැඩෙට් නියමු යෝජනා ක්රමයක් ද ක්රියාත්මක කර තිබේ. එලෙසම මේ වන විට විදේශගතව සිටින ගුවන් නියමුවන් ශ්රී ලංකාවට ගෙන්වා ගැනීම සඳහා දැන්වීම් පළ කර ඇත.
ඊට අමතරව නියාමන පහසුකම් තුළ විශ්රාම යාමට ආසන්නව සිටින ගුවන් නියමුවන් සඳහා කොන්ත්රාත් දීර්ඝ කිරීමට ද තීරණය කර ඇතැයි නටාල් වැඩිදුරටත් පවසා තිබිණි.
රටේ පවතින ආරථික සහ දේශපාලන අර්බුදය සමඟ රට හැර යන පිරිසට සමගාමී ව ශ්රි ලංකන් ගුවන් නියමුවන්ද සේවයෙන් ඉවත්වී විදේශ ගුවන් සේවාවලට එක්වීමේ ප්රවණතාවක් දක්නට ලැබිණි. මීට අමතරව ඔවුන්ගේ සේවා මුර සම්බන්ධයෙන්ද ගැටලුවක් පැවැති අතර විදේශ විනිමය අගයට සාපෙක්ෂව ඔවුන්ගේ වැටුප තුලනය නොවීම සම්බන්ධයෙන්ද ඔවුහු චෝදනා එල්ල කළහ.
