ඊයේ රාත්රියේ කොළඹ 15 මෝදර වීදියේ Good Food අවහන්හල ඉදිරිපිට කුලී ඝාතකයින් පිරිසක් විසින් වෙඩි තබා ඇත්තේ එම අවන්හලේ හිමිකරුට බව විමර්ශන අංශ කියයි.
වෙඩි ප්රහාරයට ලක්ව බරපතල තුවාල සහිතව මේ වනවිට කොළඹ ජාතික රෝහලේ ප්රතිකාර ලබමින් ඉන්නේ අවන්හල හිමි මෝදර විල්බට් පාරේ පදිංචි පනස් දෙහැවිරිදි ආර්. උමේෂ් කන්නා නැමැති පුද්ගයාට ය.
කාර් රථයකින් පැමිණි ඝාතකයින් අවන්හල ඉදිරිපිට දී අවන්හල හිමිකරුට පිස්තෝලයකින් වෙඩි තබා පලා ගොස් ඇත.
පොලීසිය පැවසුවේ වෙඩි වැදීමෙන් එම පුද්ගලයාගේ දකුණු උරහිසට බෙල්ලට සහ පාදයට දැඩි හානි සිදුව ඇති බවය.
මෙම ඝාතන උත්සාහයේ පසුබිම සෙවීම සඳහා මේ වනවිට විමර්ශන කටයුතු කරමින් ඇත. පාතාලය සහ මත්ද්රව්ය මැඩලීම සඳහා දියත් වී ඇති යුක්තිය මෙහෙයුම අතර දිගින් දිගටම සිදුවන පාතාල මෙහෙයුම් සහ ඝාතන වාර්තාවන අතර පසුගිය දා ආදුරුප්පුවීදිය පොලිස් සිර මැදිරියේ සිටින සැකකරුවන් දෙදෙනෙක් ඝාතනය කිරීමට ද පාතාල අපරාධකරුවෝ මෙහෙයුමක් දියත් කළහ.
