දිනසේන රතුගමගේ –
යාපනය පේදුරුතුඩුව මාර්ගයේ අනවසරයෙන් වැලි ප්රවාහනය කරමින් තිබූ ටිපර් රථයක් අත් අඩංගුවට ගැනීමට පොලිස් නිලධාරීන් පිරිසක් ගිය අවස්ථාවේදී මහපාර පුරා වැලි විසුරුවා වැලි හොරු පලා ගොස් තිබේ.
ඊයේ සවස මෙම සිද්ධිය සිදුව ඇත්තේ යාපනය පේදුරුතුඩුව මාර්ගයේ සිරුප්පිඩ්ඩි ප්රදේශයේවන අතර අනවසරයෙන් වැලි ප්රවාහනය කරණ බවට ඔත්තුවක් මත අච්චුවේලී පොලීසියේ නිලධාරීන් පිරිසක් මෙම වැටලිම කිරීමට කටයුතු කර ඇත.
මෙම පිරිස අත් අඩංගුවට ගැනීමට උත්සාහ කිරීමේ දි මාර්ගයේ ගමන් කිරීමට නොහැකි වන අන්දමට වැලි දමා වැලි ජාවාරම්කරුවන් පලා ගොස් ඇත.
මේ වැලි මතින් ධාවනය වූ වෙනත් ලොරියක් වැලි මත ලිස්සා ගොස් මාර්ගය අසල වූ දුරකතන කණුවක ගැටීම නිසා දුරකතන කණුවට හානි සිදුව තිබේ.
අච්චුවේලී පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
