අමායා උඩුවැරැල්ල
ඉන්දීය ලෝක් සභා මැතිවරණයෙන් භාරතීය ජනතා පක්ෂය (BJP) අඛණ්ඩව තෙවැනි වරටත් ජයග්රහණය කිරීම සමඟ අග්රාමාත්ය නරේන්ද්ර මෝදි එලඹෙන සෙනසුරාදා දින (8) තෙවැනි වරටත් එම ධූරයේ දිවුරුම් දීමට නියමිත බව ඉන්දීය මාධ්ය වාර්තා කර තිබෙනවා.
2024 ලෝක් සභා මැතිවරණයේදී භාරතීය ජනතා පක්ෂය ප්රමුඛ සන්ධානය බහුතර බලයක් ලබා ගැනීමෙන් පසු නරේන්ද්ර මෝදිට ලෝක නායකයින් රැසක් සුබ පැතුම් එක්කර තිබෙනවා. එලඹෙන සෙනසුරාදා දින දිවුරුම් දීමෙන් පසු ඔහු ඉදිරියට වසර පහක් අග්රාමාත්ය ධූරය දරනු ඇති.
පසුගිය අප්රේල් මස 19 වැනිදා ආරම්භව අදියර 07 ක් යටතේ ඉන්දීය මහ මැතිවරණය පැවැත්වුනු අතර ඉන්දීය මැතිවරණ කොමිසම විසින් ඊයේ නිකුත් කරන ලද අවසන් ඡන්ද ප්රතිඵල අනුව මෝදිගේ සන්ධානය පාර්ලිමේන්තුවේ ආසන 543 න් ආසන 292 ක් හිමිකර ගෙන ජයග්රහණය ලබා තිබෙනවා.
ඡන්ද ප්රතිඵල නිකුත් වූ පසු නරේන්ද්ර මෝදි ජයග්රහණය සමරමින් සිය පක්ෂ මූලස්ථානයේ රැස්ව සිටි පිරිසට පවසා ඇත්තේ මෙම ජයග්රහණය ලොව විශාලතම ප්රජාතන්ත්රවාදයේ ජයග්රහණය බවයි. එමෙන්ම ඉන්දීය ඡන්දදායකයින් ඔහුගේ පක්ෂය සහ ඔහුගේ ජාතික ප්රජාතන්ත්රවාදී සන්ධාන කෙරෙහි ඉමහත් විශ්වාසයක් තබා ඇති බව ද ඔහු ප්රකාශ කර තිබෙනවා.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
