ජාත්යාන්තර මූල්ය අරමුදලේ යෝජනාවක් වන විදුලිය ගාස්තු සංශෝධනය කුමණ බාධක හමුවේ වුවද අද කැබිනට් මණ්ඩලය තුළ සම්මත කරගැනීමට රජය කටයුතු සැලසුම් කර ඇතැයි අභ්යන්තර ආරංචි මාර්ග හෙළි කරයි.
ජාත්යාන්තර මූල්ය අරමුදලේ මගපෙන්වීම යටතේ ගනු ලබන මෙම තීරණයට එරෙහිව පක්ෂ විපක්ෂ දේශපාලකයින් මෙන්ම කැබිනට් මණ්ඩලය තුළින්ද විරෝධතාවය මතු වී ඇතැයි වාර්තා වේ.
මහජන උපයෝගීතා කොමිසමේ සභාපතිවරයා අද උදේ ප්රකාශ කළේ විදුලිය බිල වැඩිකිරීම සඳහා කැබිනට් මණ්ඩලය විසින් වැරදි විදිහට ගෙන එන නීති විරෝධී යෝජනාවට එකහෙළා විරුද්ධ වන බවය.
එහෙන්ම විදුලි බිල වැඩිකළහොත් සියලු විදුලි සංගම් මෙන්ම බහුජන ව්යාපාර රට පුරා දැවැන්ත උද්ඝෝෂණ ව්යාපාරයක් දියත් කිරීමට සැලසුම් කර ඇත.
කෙසේ වෙතත් මෙම විදුලි බිල වැඩිකිරීම අනිවාර්ය වන බවත් එසේ නොවුනහොත් දිනකට පැය 10ක විදුලි කප්පාදුවක් සඳහා රට සූදානම් විය යුතු බවත් ආණ්ඩුව පාර්ශවයෙන් මේ වනවිට දන්වා තිබේ.
අන්ත දරිද්රතාවයෙන් පෙළෙන රටේ ජනතාවගෙන් මේ යෝජිත විදුලි අය ක්රමය කිසිසේත්ම සාධාරණ නොවන බවත්, ඒකක 120ට අඩු විදුලි පරිභෝජනයක් සහිත ජනතාවගෙන් ලබන වසර වනවිට බිලියන 100ක් එකතු කර ගැනීමට කරන උත්සාහය සාධාරණයේ මූලධර්මයන්ට අනුව කිසිසේත්ම නොගැලපෙන බව මහජන උපයෝගීතා කොමිසමේ සභාපති ජනක රත්නායක අද (01) උදේ නව වසරේ රාජකාරි අරඹමින් අවධාරණය කළේය.
