දිනසේන රතුගමගේ
අඩු ආදායම්ලාභීන් අතර බෙදාදීම සදහා ඉන්දියාවෙන් ලබා දුන් සහල් ටොන් එකකට වැඩි ප්රමාණයක් ජනතාවට ලබා නොදී වසර එකහමාරක් තිස්සේ වවුනියාව ආසිකුලම ප්රදේශයේ ගබඩාවක ගොඩ ගසා තිබියදී 1දා මහජනතාව විසින් සොයා ගෙන තිබේ.
මෙම සහල් තොගයේ සහල් කිලෝ 1275 ක් තිබී ඇත.
වවුනියාව ආසිකුලම ප්රදේශයේ වැසියන් පිරිසක් විසින් කල සොයා බැලීමකදී මෙම සහල් තොගය හමු වී ඇති අතර ඔවුන් ඒ සම්බන්ධයෙන් පළාතේ මහජන සෞක්ය පරීක්ෂකවරුන්ට පැමිණිලි කොට තිබේ.
නිලධාරීන් තවත් රාජ්ය නිලධාරීන් පිරිසකට මේ බව දැනුම් දී අදාල ගබඩාව පරීක්ෂා කළ අවස්ථාවේදී සඟවා තිබූ සහල් තොගය හමු වී තිබේ.
මහජන සෞඛ්ය පරීක්ෂකවරුන් එම සහල් තොගය පරීක්ෂා කොට බැලීමේදී එම සහල් මිනිස් පාරිභෝජනයට නුසුදුසු බව වැටහී ගොස් ඇත.
අදාල සහල් තොගය අධිකරණය වෙත ඉදිරිපත් කිරීමට මහජන සෞඛ්ය පරීක්ෂකවරු පියවර ගෙන තිබේ.
