මේ වනවිට මතුවෙමින් ඇති අපරාධ කල්ලිවල හැසිරීම පසුපස දූෂිත දේශපාලන කණ්ඩායම් සිටින බව මහජන ආරක්ෂාව පිළිබඳ අමාත්යාංශයේ ලේකම් විශ්රාමි ජ්යෙෂ්ඨ නියෝජ්ය පොලිස්පති රවී සෙනවිරත්න අද (22) පැවසුවේය.
ඔහු කීවේ සංවිධානාත්මක අපරාධ කල්ලි මෙයෙවූ දූෂිත දේශපාලනය මෙන්ම මේ වනවිට ඉදිරියට යමින් ඇති විමර්ශන කටයුතු අඩපණ කිරීමට සූදානම්වන කණ්ඩායමක් රට අස්ථාවර කිරීම සඳහා කටයුතු කරන බවත් එම පුද්ගලයින් හඳුනාගෙන සිටින බව අවධාරණයෙන් ප්රකාශ කරන බවත්ය. මේ පිරිස් ලඟදීම අත් අඩංගුවට ගෙන ඔවුන්ට එරෙහිව දැඩිව නීතිය ක්රියාත්මක කරන බව මහජන ආරක්ෂ අමාත්යාංශ ලේකම් විශ්රාමික ජ්යෙෂ්ඨ නියෝජ්ය පොලිස්පති රවී සෙනවිරත්න පැවසුවේය.
ලේකම්වරයා මෙසේ ද කීවේය.
සංවිධානාත්මක අපරාධ කල්ලි අතර විශාල ගැටුම්කාරි තත්ත්වයක් නිර්මාණය වෙලා තියනවා. විවිධ කරුණු කරනා බලපලා තියනවා. කප්පම් ගැනීම් මත්ද්රව්ය ව්යාපාරය මෙතන දේශපාලනයකුත් සම්බන්ධයි. යම් කාල වකවානුවක විවිධ මට්ටමේ දේශපාලන සම්බන්ධයක් තිබුණා. මේ තත්ත්වය මතයි මේක උත්සන්න වෙලා තියෙන්නේ.
අලුත් කඩේ උසාවියේ දි ගණේමුල් සංජිව ඝාතනය සම්බන්ධව තොරතුරු ලැබුන වහාම වැඩ බලන පොලිස්වතිවරයා ඉතා ඉක්මනින් ක්රියාත්මක වෙලා එම ඝාතකයා හඹා යමින් ඔහුව කොටු කරගැනීමට අවශ්ය සැලසුම් සහ පිරිස් බලය ලබා දිලා පැය කීපයක් තුළ සැකකරු අත් අඩංගුවට ගත්තා. ඒ වගේම දකුණු පළාතේ මිද්දෙණිය ප්රදේශයේ ත්රිපුද්ගල ඝාතනයක් සිද්ධ වුනා. ඒ සම්බන්ධවත් ඒ අපරාධකරුවනුත් අත් අඩංගුවට ගත්තා.
මෑත කාලයේ දි අවශ්ය විමර්ශනය සිදුකරලා නීතිය ඉදරියට ගෙන ඒමේ ක්රියාවලිය ඉතාම මැනවින් පොලිස් දෙපාර්තමේන්තුව ඉටු කරනවා. ඒ අවස්ථාවල බුද්ධි අංශවල සමහර අවස්ථාවල ත්රිවිධ හමුදාවල සහාය ඇතිව ඒ කටයුතු දිගින් දිගටම සිද්ධ වෙනවා.
මෙහිදී අප දකින තවත් කාරණාවක් තමයි මේ අපරාධ කල්ලි නායකයින් බොහෝ දෙනෙක් ඉන්නේ රටින් පිට. ඒ සම්බන්ධයෙනුත් රාජ්ය තාන්ත්රික ක්රියාමාර්ග අරන් පොලිසියට අවශය මගපෙන්වීම ලබා දීලා තියනවා ඒ සැකකරුවන් රටට අරන් ඇවිත් නීතිය ඉදිරියට ඉදිරිපත් කරන්න. ඒ කටයුත්තත් දැනට ආරම්භ කරලා තියනවා. පහුගිය දිනවල මැදපෙරදිග රාජ්යයකින් 09ක්, අසල්වාසී රාජ්ය්යකින් සැකකරුවන් 04ක් අරන් ආවා.
රටින් පිට ඉඳන් ක්රියාත්මක වුනත් ඔවුන් නීතියේ රැහැනට හසුකරගැනීමේ ක්රියාවලියන් දිගටම කරගෙන යනවා. මේ සැකකරුවන් සියලුම දෙනාට අන්තර්ජාතික පොලිසියේ රතු වරෙන්තු ලබාගෙන තියනවා. ඒ රතු නිවේදන මත නම් කළ සැකකරුවන් තමයි මෑතකදී ලංකාවට ගෙනාවේ.
මේ ක්රියාවලිය හොඳින් කරගෙන යද්දි පාතාලය මැඩලිම හොඳින් කරගෙන යද්දි සමහර අවස්ථාවල මේ කටයුතුවලට යම් යම් බාධ පමුණුවන අරමුණින් කටයුතු කරන සංවිධාන ගැනත් සංවිධානාත්මක පුද්ගලයින් ගැනත් අපට වාර්තා වෙලා තියනවා.
ඒකට හේතුවක් තියනවා. මේ සංවිධානාත්මක අපරාධ කල්ලිවල පැවැත්ම රඳා පවතින්නේ ඔවුන්ගේ නීති විරෝධී ක්රියාකාරකම් මත සහ සමහර දූෂිත දේශපාලන කණ්ඩායම් මත.
ඔවුන්ට එරෙහිව නීතිය ක්රියාත්මක කිරීමේ ක්රියාවලිය කරගෙන යද්දි ඔවුන් කොටු වීමට ආසන්න වනවිට යම් යම් උපායශීලී ක්රියාමාර්ග ගන්නවා. එවැනි දේවල් මේ දවස්වල සිදුවෙමින් යනවා.
ඔබට මතක ඇති පහුගිය දවස්වල බොහොම ආන්දෝලනාත්මක සිදුවීම් වාර්තා වුනා. පුද්ගලයින් පැහැරගෙන ගියා. පුද්ගලයින් ඝාතනය කළා. පහර දීලා අඩපණ කළා. සමහර අවස්ථාවල බොහොම ධරුණු ප්රහාර එල්ල වුනා ජාතික ආරක්ෂාවට ප්රබල තර්ජනයක් වන. පාස්කු ඉරිදා ප්රහාරය වගේ ප්රහාර. මේ සියලු කාරණා සම්බන්ධව විමර්ශන නැවත ආරම්භ වුනා. ආරම්භ වුනා පමණක් නොව ඉතා හොඳින් ඉදිරියට ගෙන යනවා. සමහර අය මේ වනවිට අත් අඩංගුව අරන් තියනවා. සමහර අය විමර්ශන අවසන්වෙලා අධිකරණයට නඩු පැවරීම් කටයුතුවලට යොමු වෙලා තියනවා. සමහර අයට විමර්ශන අවසන්. නඩු පැවරිමට ආසන්න සිද්ධින් තියනවා.
ඒ වගේම අපි දන්නවා පාස්කු ඉරිදා ප්රහාරය ගැන නැවත පරීක්ෂණයක් ආරම්භ කරලා කලින් විමර්ශනයේ දී අනාවරණය නොවූ පැතිකඩවල් හඳුනාගෙන ඒ පිලබඳව සාර්ථකව විමර්ශන පවත්වාගෙන යන වෙලාවේ විමර්ශන අඩපණ කිරීමටත් රටේ අස්ථාවර තත්ත්වයක් නිර්මාණය කිරීමටත් යම් යම් පිරිස් කටයුතුකරනවා කියන එක අපට බුද්ධි අංශවලින් වාර්තා වෙලා තියනවා. ඒ පිළිබඳව විමර්ශන ආරම්භ කරලා තියනවා. ඒ පුද්ගලයින් අපි හඳුනගෙන තියනවා. නැවත කියන්නේ. ඒ පුද්ගලයින් අපි හඳුනාගෙන තියනවා. ඉදිරියේ දී නීතිය ඔවුන්ට දැඩිව ක්රියාත්මක වෙනවා.
මේ පුද්ගලයින් කණ්ඩායමට විමර්ශන අඩපණ කිරීමට කියලා රට අස්ථාවර කිරීමේ උත්සාහයන්වලට අපි කිසිසේත් ඉඩ දෙන්නෙ නෑ.
විශේෂයෙන්ම අප සඳහන් කළ යුතුයි. මේ කටයුත්තේ දි බුද්ධි අංශ අපට ඉතාම දැඩි සහයෝගයක් ලබා දෙනවා. ත්රිවිධ හමුදාවත් සහයෝගය ලබා දෙනවා. ආරක්ෂක අමාත්යාංශ ලේකම්වරයා ප්රධාන කණ්ඩායම අපට හොඳ සහයෝගයක් දෙනවා. මේ ඇති වෙලා තියන තත්ත්වය සමනය කරලා මේ විමර්ශන ඉදිරියට ගෙනයෑමට හැකි වේවි කියලා අප බලාපොරොත්තු වෙනවා.
මහජන ආරක්ෂක අමාත්යාංශයේ ලේකම් රවී සෙනවිරත්න පැවසුවේය.
