ලලිත් චාමින්ද –
මෙම වර්ෂයේ අගෝස්තු මාසයේ දි පොල්ගෙඩි මිලියන 74.4ක් අපනයනය කොට ඇති බැව් ශ්රිලංකා මහබැංකුව විසින් නිකුත්කොට ඇති වාර්තාවක සඳහන් වේ.
පොල් අපනයනය කිරීමෙන් අගෝස්තු මාසයේ දි උපයාගෙන ඇති මුදල ඇමරිකානු ඩොලර් මිලියන 42.6ක් බවද මහබැංකු වාර්තාවේ සඳහන් වේ. 2023 වර්ෂයේ අගෝස්තු පොල්ගෙඩි මිලියන 63.5ක අපනයනය කොට තිබු අතර එය 2023 වර්ෂයේ අගෝස්තු මාසයට සාපේක්ෂව සියයට 17.2ක වැඩිවිමකි. 2023 වර්ෂයේ අගොස්තු මාසයේ දි පොල් අපනයනය කිරීමෙන් ඇමරිකානු ඩොලර් මිලියන 31.8ක ආදායමක් උපයාගෙන ඇත.
එමෙන්ම මෙම වර්ෂයේ අගෝස්තු මාසයේ දි පොල්ගෙඩි මිලියන 296.1 ක් නිෂ්පාදනය කොට ඇත. 2023 වර්ෂයේ අගෝස්තු මාසයේ දි නිෂ්පාදනය කොට ඇති පොල් ගෙඩි ප්රමාණය පොල්ගෙඩි මිලියන 275.9කි.
