2022 වසරේ සැප්තැම්බර් 22 සමාජවාදී තරුණ සංගමය විසින් සංවිධානය කළ විරෝධතා ව්යාපාරයකට පහර දීමේ සිද්ධියක් සම්බන්ධයෙන් ගොනු කර ඇති මූලික අයිතිවාසිකම් පෙත්සමේ වග උත්තරකරුවක් ලෙස හිටපු ජනාධිපති රනිල් වික්රමසිංහ නම් කර අදාල පෙත්සම සංශෝධනය කිරීමට ශ්රේෂ්ඨාධිකරණය අද (22) අවසර දුන්නේය.
ඒ සමාජවාදී තරුණ සංගමයේ කමිටු සාමාජිකයෙක්වන මහේෂ් ඉඳුනිල් විසින් ගොනු කරනු ලැබු පෙත්සමක් අද යළි කැඳවූ අවස්ථාවේ දී ය.
පෙත්සම එස්. තුරෙයිරාජා, කුමුදිනී වික්රමසිංහ, සහ ප්රියන්ත ප්රනාන්දු යන ශ්රේෂ්ඨාධිකරණ විනිසුරුවරුන් ඉදිරියේ සලකා බැලිනි. පෙත්සම් කරුවන් වෙනුවෙන් පෙනී සිටි නීතිඥවරයා අදාල පෙත්සමේ වගඋත්තර කරුවෙක් ලෙස හිටපු ජනාධිපතිවරයා නම් කිරීමට අවශ්ය බවත්, ඊට අවසර ලබා දෙන ලෙසත් අධිකරණයෙන් ඉල්ලා සිටි පසු ඒ පිලභිඳ කරුණු සලකා බැලූ විනිසුරු මඩුල්ල ඊට අවසර ලබා දුන්නේය.
මේ පෙත්සමේ අනෙකුත් වග උත්තර කරුවන් ලෙස කුරුඳුවත්ත, මරදාන සහ කොම්පඤ්ඤවීදිය පොලිස් ස්ථානවල ස්ථානාධිපතිවරුන් ඇතුළු පිරිසක් නම් කර තිබිණි.
2022 වසරේ සැප්තැම්බර් 22 දා කොළඹ ලිප්ටන් වටරවුමේ පැවති විරෝධතාවයට මෙසේ පොලිස් පහර දීම එල්ල වන්නේය. එහිදී පොලිසිය විසින් පුද්ගලයින් හය දෙනෙක් අත් අඩංගුවට ගෙන පොලිස් ඇප මත මුදා හැරි බවත් තවත් දෙදෙනෙක් මහේස්ත්රාත් අධිකරණය හමුවට ඉදිරිපත් කර ඇප මත මුදා හැරි බවත් පෙත්සමේ සඳහන් වූයේය.
පෙත්සම්කරු ප්රකාශ කළේ මෙම සිද්ධියෙන් තම මූලික අයිතිවාසිකම් කඩ වි ඇති බවය. අධි ආරක්ෂිත කලාපයකට අනවසරයෙන් ඇතුළු වූ බවට චෝදනා කරමින් අත් අඩංගුවට තමන් අත් ඇතුලු කණ්ඩායම අත් අඩංගුවට ගත් බව කියන පෙත්සම්කරු පෙන්වා දෙන්නේ අදාල අධිආරක්ෂිත කලාපය පිහිටා ඇත්තේ නීතියට පටහැනි ආකාරයට බවය.
බැවින් සිය සංවිධානයේ සාමාජිකයින් එලෙස අත් අඩංගුවට ගැනීම නීති විරෝධී බව ද එම පෙත්සමේ සඳහන් කර තිබේ.
පෙත්සම ලබන වසරේ ජූනි 14 වැනිදා යළි කැඳවීමට නියමිතය.
