දිනසේන රතුගමගේ –
යාපනයේ පේදුරුතුඩුව ප්රදේශයේ මුහුදු උපකරණ ගබඩා කොට තිබූ ගබඩාවක ඇති වූ ගින්නකින් පුද්ගලයින් දෙදෙනෙකු පිලිස්සී අද (2 ) අලුයම මියගොස් තිබේ.
පේදුරුතුඩුව පොලිසිය ප්රකාශ කලේ මියගොස් ඇත්තේ සහෝදරයින් දෙදෙනෙකු බවයි.
ඔවුන් දෙදෙනා උඩුපුස්සැල්ලෑවේ සිට යාපනයට පැමිණ මෙම ගබඩාවේ සේවය කළ දෙදෙනෙකි.
මියගිය දෙදෙනා උඩප්පුසල්ලාව පිල්ලියාර් ලෝමන් වත්තේ පදිංචි 46 හැවිරිදි වේලායුදම් බුවනේශ්වරම් නමැති පුද්ගලයෙකු සහ 38 හැවිරිදි වේලායුදම් රවී නැමැති පුද්ගලයෙක් ලෙස හදුණා ගෙන තිබේ.
ගින්න හට ගත් අවස්ථාවේදී ඔවුන් දෙදෙනාව ගින්නෙන් බේරා ගෙන රෝහල් ගත කිරීමට විශාල පිරිසක් උත්සාහ කොට ඇති නමුත් එම උත්සාහය අසාර්ථක වීම නිසා ඔවුන් දෙදෙනාම ගින්නට හසු වී මියගොස් ඇත.
ගින්නට හේතුව මෙතෙක් අනාවාරණය වී නොමැත.
පේදුරුතුඩුව පොලිසිය සිද්ධිය සම්බන්ධයෙන් පරීක්ෂණ ආරම්භ කොට තිබේ.
