දිනසේන රතුගමගේ –
මුලතිව් ඔට්ටිසුඩාන් වාවෙට්ටි කඳුකර ප්රදේශයේ කැළෑවකින් පෞරාණික නටබුන් සහිත ස්ථානයක් හමු වී තිබේ.
වාවෙට්ටි කදුකර ප්රදේශයෙන් මෙම නටබුන් සහිත ස්ථානය හමු වී ඇත්තේ ඔට්ටිසුඩාන් තානේස්වරී ප්රදේශයේ කෝවිලේ කිරිබත් පිසීමට මීපැණි එකතු කිරීම සඳහා ගිය වැසියන් පිරිසකටය.
ඔවුන් මේ පිළිබදව පළාතේ ග්රාම නිලධාරීවරයාට තොරතුරු දැනුම් දීමෙන් පසුව ඔහු ඒ සම්බන්ධයෙන් විස්තර පුරා විද්යා නිලධාරීන්ට මුලතිව් දිසාපති කාර්යාලයට හා යාපනය විශ්ව විද්යාලයේ පුරා විද්යා අංශයට දන්වා තිබේ.
යාපනය විශ්ව විද්යාලයේ පුරා විද්යා අංශයේ දෙදෙනෙකු එම ස්ථනායට පැමිණ ඇති අතර ඔවුන් පවසා ඇත්තේ එම නව නටබුන් වලින් එකක් ශ්රී පතුල් ගලක් විය හැකි බවය.
මේ පළාතේ සියවස් ගණනාවකට ඉහතදී ජනාවාස තිබූ බවට මේ සාධක හරහා තහවුරුවන බවත්, විද්යාතමක කැණීම්ක් සිදු කිරීමෙන් පසුව මිස ඒ ගැන වැඩිදුර තොරතුරක් ප්රකාශ කළ නොහැකි බවත් යාපනය විශ්ව විද්යාලයේ පුරා විද්යා අංශයේ පිරිස පවසා තිබේ.
ඔට්ටුසුට්ටාන් සිට මාන්කුලම් පාර හරහා ගමන් කරන විට 14 වැනි සැතපුම් කනුවේ සිට කිලෝ මීටර් 11 ක් පමණ දුරින් මෙම නටබුන් ස්ථානය හමුවේ.
මේ ස්ථානයට හින්දු බැතිමතුන් මල් පහන් පූජා කොට ආපසු පැමිණ ඇත.
