ජනාධිපතිවරයා කාර්යබහුල බැවින් ඔහුගේ යටතේ පවතින මුදල් අමාත්ය ධුරයට අදාල තින්දු තීරණ ගැනිමේ ප්රමාදයක් සිදුවන බවත් එම තත්ත්වය මඟහැරීම සඳහා ඉක්මන් තින්දු තිරණ ගත හැකි මුදල් නියෝජ්ය අමාත්යවරයකු සිටිය යුතු බව ලංක වාහන ආනයනකරුවන්ගේ සංගමයේ ලේකම් ප්රසද් කුලතුංග පවසයි.
එම සංගමයේ වාර්මේෂික මහ සභාව පසුගියදා පැවති අතර එහිදී අදහස් දක්වමින් ලේකම්වරයා ප්රකාශ කළේ පසුගිය දිනවල වාහන ආනයනය සම්බන්ධයෙන් මුහුණ දුන් අත්දැකීම්වලදී මේ තත්ත්වය අවබෝධ වූ බවයි.
ඔහු එහිදි තවදුටත් සඳහන් කළේ මුදල් අමාත්යංශය විසින් ගනු ලබන තිරණවල ප්රමාසදයක් පවතින බවයි. මේ හේතුවෙන් වාහන ආනයනකරුවන්ගේ ප්රශ්න විසඳා ගැනීම ඉතා අසීරු අඩියකට පැමිණ ඇති බව ඔහු පැවසීය.
= මෙහිදී අදහස් දැක්වූ ලකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙංචිගේ
“වාහන ආනයනය අවුරුදු පහකට පස්සේ ප්රකෘති වුණේ. රට දුවන්නෙ නිලධාරීන්ට වගකීම් දීලා. ඇමතිවරු කිසිම වගකීමක් දරන්නේ නෑ. ජනාධිපතිතුමා බොහොම කාර්යබහුලයි. නියෝජ්ය ඇමතිවරු මේ පිළිබඳව කටයුතු කරන්නේ නෑ නිලධාරීන් පරිස්සමින් හෙමින් වැඩ කරන්නේ. මුදල් අමාත්යාංශය හා රේගුවේ ප්රශ්න කෙටි කාලයක් තුළ විසඳීමට උත්සාහ කළත් හරි ගියේ නෑ. වාහන වර්ගීකරණය සම්බන්ධයෙන් ලොකු ගැටලු තිබෙනවා. ඒවා නිසා බදු වෙනස් වෙලා තිබෙනවා.
අපි සුබවාදීව බලනවානම් තව දින කිහිපයකින් ප්රශ්න සියල්ල ඉවර වෙලා වාහන ආනයනය නැවත ප්රකෘතිමත් වෙයි. ඉදිරියේදී රටක් විදියට හැමදේම හොඳින් වෙන්න ඕනේ. අනිසි කටයුතු වළක්වලා කටයුතු කරන්න පුළුවන් වෙයි කියලා අපි හිතනවා. යයිද පැවසීය.
