මියන්මාරයේ හමුදා පාලනය විසින් සිදුකරන මානව හිමිකම් උල්ලංඝනය කිරීම්වලට චීනය සහය දෙන බවට හියුමන් රයිට්ස් වොච් සංවිධානය චෝදනා කරයි.
එම සංවිධානය පවසන්නේ , චීනය විසින් මියන්මාර හමුදාවට පකිස්තානය හරහා අවි සැපයීම පවා සිදුකරන බවයි.
මේ වන විට මියන්මාර හමුදා පාලකයන් විසින් රට තුළ දැඩි විනාශයක් සිදු කර ඇති බවත් දරැණු ලෙස මානව හිමිකම් උල්ලංඝනය කිරීම් සිදුකරන බවත් එම සංවිධානය සදහන් කරයි.
හමුදා ආණ්ඩුව විසින් රටේ මධ්යම ප්රදේශයේ ගම්මාන 100ක් විනාශ කර ගොඩනැගිලි 5,500කට වඩා විනාශ කර ඇති බව ද හියුමන් රයිට්ස් වොච් අනාවරණය කර තිබේ.
චීනය ඇතුළු කාම්බෝජය, ලාඕසය, තායිලන්තය, වියට්නාමය යන රටවල විදේශ අමාත්යවරුන්ගේ සහභාගිත්වයෙන් යුත් Lancang-Mekong සහයෝගිතා සංසදය යටතේ ද මියන්මාර හමුදා ආණ්ඩුවට සහය දීමට තීරණය කර ඇති අතර ඊට ද මේ වන විට බරපතල විවේචන එල්ල වෙමින් පවතී.
මීට අමතරව, චීනය පාකිස්තානය හරහා මියන්මාරයට හමුදා උපකරණ ලබා දෙන බවත් මිලිමීටර් 60 සහ 81 මෝටාර්, M-79 අත්බෝම්බ සහ බර මැෂින් තුවක්කු සපයනු ලබන බවත් හියුමන් රයිට්ස් වොච් අනාවරණය කරයි.
මෙම ගනුදෙනු සිදු වන්නේ රහසිගතව සහ එක්සත් ජාතීන්ගේ නිරීක්ෂණයෙන් බැහැරව බව ද එම සංවිධානය සදහන් කර තිබේ.
