මාර්තු 9 වැනිදා පැවැත්වීමට නියමිත පළාත් පාලන මැතිවරණයට නව බාධාවක් මතු වී ඇති බවත් මුදල් ලබා නොදුනහොත් ඡන්ද පත්රිකා මුද්රණය නොකරන බව රජයේ මුද්රණාලය ලිඛිතව දන්වා ඇති බවත් ජාතික මැතිවරණ කොමිෂන් සභාව අද (13) ප්රකාශ කළේය.
මැතිවරණ කොමිසම සඳහන් කළේ ඡන්ද පත්රිකා මුද්රණය සඳහා ඇස්තමේන්තු කර ඇති මුදල රුපියල් මිලියන හාරසිය හැට එකක් පමණ වන බවය.
හෙට පැවැත්වෙන දේශපාලන පක්ෂ ලේකම්වරුන්ගේ හමුවේදී මේ සම්බන්ධයෙන් අවධානය යොමු කරවන බව මැතිවරණ කොමිසමේ සභාපති නීතිඥ නිමල් ජී. පුංජිහේවා ප්රකාශ කළේය.
රටේ ආර්ථික තත්ත්වය මත මැතිවරණ සඳහා මුදල් හිඟයක් පවතින බව රජයේ නිලධාරීහු දිගින් දිගටම ප්රකාශ කමින් සිටිති.
ආර්ථික ප්රශ්නය හුවා දක්වමින් මැතිවරණ පැවැත්වීම වැළැක්වීමට උත්සාහ කරන බවට විරුද්ධ පක්ෂ දිගින් දිගටම රජයට චෝදනා කරමින් ඇත.
මැතිවරණයට අදාළව දැනට ශ්රේෂ්ඨාධිකරණය හමුවේ නඩුවක් ද පවතින අතර පෙබරවාරි 23 වැනි දින එය යළි කැඳවීමට නියමිතව ඇත.
