පානදුර සුමිත් පොතුපිටිය –
පානදුර මූලස්ථාන පොලිසියේ අපරාධ අංශ ස්ථානාධිපතිවරයා සහ කොස්තාපල් වරයෙකු අද (13) පස්වරුවේ මහනුවර විශේෂ පොලිස් කණ්ඩායමක් විසින් ප්රශ්න කිරීම සඳහා රැගෙන ගොස් ඇතැයි පොලිස් ආරංචි මාර්ග සඳහන් කරයි.
රන් භාණ්ඩ සොරකමක් සම්බන්ධයෙන් මහනුවර විශේෂ පොලිස් කණ්ඩායමක් විසින් සැකකරුවෙකු අත්අඩංගුවට ගෙන කළ පරීක්ෂණ අතරතුර ලද ප්රකාශයක් මත පොලිස් නිලධාරීන් දෙදෙනා පොලිස් භාරයට ගෙන ඇතැයි සඳහන් වේ.
මහනුවර විශේෂ පොලිස් කණ්ඩායමක අත්අඩංගුවේ පසුවන සැකකරුව මීට පෙර පානදුර මූලස්ථාන පොලිසිය විසින් අත්අඩංගුවට ගෙන ඇති අතර , එහිදී සැකකරු සන්තකයේ තිබී පොලිස් භාරයට ගත් රණ්භාණ්ඩ තොගයට වඩා වැඩි ප්රමාණයක් පානදුර මූලස්ථානය පොලිසිය වෙත භාරදුන් බවට සැකකරු ප්රකාශ ලබාදී ඇතැයිද සඳහන් වේ.
ඒ අනුව සැකකරු ප්රකාශ කරන පරිදි ඔහු සන්තකයේ තිබූ රණ්භාණ්ඩ පානදුර අපරාධ අංශ නිලධාරීන් දෙදෙනා සිය සන්තකයේ තබාගෙන ඇති බවට ඇති වූ සැකය මත පොලිස් නිලධාරීන් දෙදෙනා පොලිස් භාරයට ගෙන ඇතැයි පොලිසිය සඳහන් කරයි.
මහනුවර විශේෂ පොලිස් කණ්ඩායමක් විසින් වැඩිදුර පරීක්ෂණ සිදුකරන බව උසස් පොලිසිය පවසයි.
