සුරියවැව නුවන් ජයසේකර –
කතරගම වන්දනාවේ පැමිණෙන බැතිමතුන්ගේ ආරක්ෂාව සඳහා වනජීවී නිළධාරීන් හා පොලිස් ජීවිතාරක්ෂක ඒකකයේ නිළධාරීන් එක්ව මැණික් ගංගාවේ අටවන ලද උගුලකට හසුව සිටි දිග අඩි 06ක් පමණ කිඹුලෙක් අල්ලා යාල වනෝද්යානයේ පිහිටි වැවක් වෙත මුදා හැරීම ඊයේ (10) සිදු කෙරුණි.
පසුගිය දින මැණික් ගංගාවේ දිය නෑමට ගිය පුද්ගලයෙකු කිඹුලෙකුට බිළිවිමත් සමග කිරිවෙහෙර රජමහා විහාරාධිපති, රුහුණු මාගම්පත්තුවේ ප්රධාන සංඝනායක කොබවක ධම්මින්ද නාහිමියන්ගේ මුලිකත්වයෙන් මැණික් ගඟ හරහා තාවකාලික ආරක්ෂිත වැටක් ඉදිකිරිම සිදුකෙරුණු අතර වනජීවී නිළධාරීන් හා පොලිස් ජිවිතාරක්ෂක ඒකකයේ නිළධාරීන් එකව බැතිමතුන් දිය නාන තොටුපොලවල් ආසන්නයේ නිතර සැරි සරන කිඹුලන් අල්ලා යාල වනෝද්යානයට මුදා හැරීමේ මෙහෙයමක්ද ආරම්භ කෙරුණි.
ඒ අනුව අටවන ලද කූඩුවකට හසුව තිබූ කිඹුලෙකු වනජීවී නිධාරීන් විසින් පොලිස් ජිවිතාරක්ෂක ඒකකයේ හා යුධ හමුදා නිළධාරීන්ගේ සහාය ඇතිව යාල ජාතික වනෝද්යානය වෙත මුදාහැරීම සිදුකෙරුණි.
