ලලිත් චාමින්ද –
මත්ස්ය ගහණය වැඩි කිරීම සඳහා අබලන් වු බහුදින ධීවර යාත්රා හා අබලන් බස්රථ මුහුදු පතුලේ තැන්පත් කිරීමේ විශේෂ ව්යාපෘතියක් ගාල්ල වරාය ආශ්රිතව ලබන මාසයේ දී ආරම්භ කිරීමට බලාපොරොත්තුවන බැව් විසිතුරු මසුන් මිරිදිය මත්ස්ය හා ඉස්සන් ඇති කිරීම ධිවර වරාය සංවර්ධන බහුදින ධීවර කටයුතු හා මත්ස්ය අපනයන රාජ්ය ඇමති කංචන විජේසේකර පවසයි.
ගාල්ල දිස්ත්රික් දේශිය නිෂ්පාදන කර්මාන්ත වැඩිදියුණු කිරීමේ සංවර්ධන කමිටුවේ දී රාජ්ය ඇමතිවරයා මේ බව සඳහන් කළේය. ගාල්ල හොල්ඩි ගොල් ශාලාවේ දි පැවති මෙම කමිටුවේ දී හෙතෙම මෙසේද කිවේය.
මුහුදු පතුලේ තැන්පත් කිරීම සඳහා අබලන් බස් රථ ශ්රි ලංගමයෙන් මිලදී ගෙන තියෙනවා. මෙවා මුහුදේ තැන්පත් කිරිම තුළින් ඒ ආශ්රිතව මත්ස්ය පැටව් බෝවෙනවා. සංචාරක ආකර්ශනය ඇති කිරීමටත් එය විශාල පිටුවහලක් වෙනවා. ත්රිකුණාමලය වරාය ආශ්රිතව අබලන් බහුදින යාත්රා සහ බස්රථ මුහුදු පතුලේ තැන්පත් කිරීම අපි ආරම්භ කළා. දකුණු මුහුදු තීරය කෙන්ද්රකරගෙන ගාල්ල වරාය ආශ්රිතව ලබන මාසයේ දී මෙම ව්යාපෘතිය ආරම්භ කරනවා යැයිද රාජ්ය ඇමතිවරයා කීවේය.
මෙම කමිටු රැස්වීම සඳහා ඇමතිවරුන් වන රමේෂ් පතිරණ, දකුණු පළාත් හිටපු ප්රධාන ඇමති වත්මන් ගාල්ල දිස්ත්රික් මන්ත්රි ෂාන් විජේලාල් ද සිල්වා, ගාල්ල දිස්ත්රික් මන්ත්රිවරුන්වන ඉසුරු දොඩංගොඩ, සම්පත් අතුකොරළ එක්ව සිටියහ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
