මාලිගාවත්ත දුම්රිය අංගනයේ ධාවනයට සූදානම් කළ දුම්රිය මැදිරිවල විදුලි රැහැන් කපාගෙන යන විදුලි කාර්මිකයෙක් ලක්ෂයක විදුලි රැහැන් සමග දුම්රිය ආරක්ෂකයින්ට කොටු!

කීර්ති ප්‍රනාන්දු-

දුම්රිය මැදිරිවල විදුලි රැහැන් කපා සොරාගෙන යන දුම්රිය විදුලිකාර්මිකයෙකු රුපියල් ලක්ෂයක් පමණ වටිනා විදුලි රැහැන් සමග දුම්රිය ආරක්ෂක හමුදාවේ මාළිගාවත්ත ආරක්ෂක කාර්යාලයේ නිලධාරීන් විසින් අත්අඩංගුවට ගත් බව එම කාර්යාලය පවසයි.

මාලිගාවත්ත දුම්රිය අංගනය තුළ ධාවනය සඳහා සූදානම් කර ඇති දුම්රිය මැදිරිවල විදුලි රැහැන් කපා සොරාගෙන යාම සැකකරු විසින් දීර්ඝ කාලයක පටන් සිදු කරගෙන ගොස් ඇති බවට කරන ලද ප්‍රශ්න කිරීම් හමුවේ අනාවරණය වී ඇත .

කාලයක් තිස්සේ සැකකරු විසින් කපා සොරකම් කර ඇති විදුලි රැහැන් වල වටිනාකම රුපියල් ලක්ෂ ගණනක් බවත්
අත්අඩංගුවට පත්වන අවස්ථාවේදී සැකකරු විසින් කපාගෙන යමින් තිබූ විදුලි රැහැන් වල වටිනාකම රුපියල් ලක්ෂයක් පමණ වන බවත් දුම්රිය ආරක්ෂක කාර්යාලය පැවසීය .

එම කාර්යාලය වැඩිදුරටත් පැවසුවේ සැකකාර දුම්රිය විදුලි කාර්මිකයා අධික ලෙස මත්ද්‍රව්‍ය භාවිතයට පුරුදු වී සිටින අයෙකු බවට මෙතෙක් කරන ලද ප්‍රශ්න කිරීම් වලදී අනාවරණය කර ගැනීමට හැකි වූ බවයි

.

 

සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.