දකුණු ගාසා තීරයේ නසාර් රෝහලට එල්ල වූ මාරාන්තික ඊශ්රායල ගුවන් ප්රහාරයකින් මාධ්යවේදීන් පස් දෙනෙකු ඇතුළුව අවම වශයෙන් පුද්ගලයින් 20 දෙනෙකු මිය ගියේය. මාධ්ය නිදහස වෙනුවෙන් පෙනී සිටින්නන් එය දැනට පවතින ගැටුමේදී මාධ්ය සේවකයින්ට එල්ල වූ මාරාන්තිකම ප්රහාරයක් ලෙස හඳුන්වා තිබේ. යුද්ධයේ මානුෂීය අර්බුදයෙන් දැනටමත් යටපත් වී ඇති පහසුකමකට එල්ල වූ ප්රහාරය ගෝලීය කෝපයක් ඇති කර ඇති අතර වගවීම සඳහා නැවත ඉල්ලීම් ඉදිරිපත් කර ඇත.
ප්රහාරය රළ දෙකකින් පැමිණි බව සාක්ෂිකරුවෝ සහ සෞඛ්ය නිලධාරීහු වාර්තා කළහ. පළමු මිසයිලය රෝහලේ සිව්වන මහලට පහර දුන්නේය. කාර්ය මණ්ඩලය, රෝගීන් සහ මාධ්යවේදීහු යුහුසුළු වූහ. තවත් මිනිත්තු කිහිපයකට පසු, දෙවන මිසයිලයක් එල්ල විය. ව්යසනය වාර්තා කිරීමට පැමිණි මාධ්යවේදීන් ද රොහලේ ඇති වූ මාරක තත්ත්වය සමහන් කරගැනීම සඳහා සහය වීමට රැස්ව සිටි බොහෝ දෙනෙකුද ඒ ප්රහාරයෙන් මිය ගියේය.
ඊශ්රායල හමුදා පසුව කීවේ තමන් සිවිල් සහ මාධ්යවේදීන්ට සිදු වූ හානි පිළිගන්නා බවය. නමුත් හිතාමතාම මාධ්යවේදීන් ඉලක්ක නොකළ බවය. සිද්ධිය පිළිබඳව පරීක්ෂණයක් සිදුවෙමින් පවතින බව ඊශ්රායල හමුදාව පැවසීය.
අහිමි වූ මාධ්ය වේදීන්
මියගිය පස් දෙනාගේ අනන්යතාවයන් මාධ්යවේදීන් ආරක්ෂා කිරීමේ කමිටුව තහවුරු කළේය:
- ඇසෝසියේටඩ් ප්රෙස් සමග සම්බන්ධ වූ නිදහස් ඡායාරූප මාධ්යවේදියෙකු වන 33 හැවිරිදි මරියම් අබු ඩක්කා.
- අල් ජසීරා සමඟ ඡායාරූප ශිල්පියෙකු වන මොහොමඩ් සලාමා.
- රොයිටර් පුවත් සේවය වෙත කොන්ත්රාත් පදනම මත සේවය කරන කැමරා ශිල්පියෙකු වන හුසාම් අල්-මස්රි.
- බහු මාධ්ය ආයතන සමඟ සේවය කරන නිදහස් මාධ්යවේදියෙකු වන මෝස් අබු ටහා.
- මිඩ්ලීස්ට් අයි සමඟ අනුබද්ධ අහමඩ් අබු අසීස්.
රොයිටර් පුවත් සේවය වෙත කොන්ත්රාත් පදනම මත සේවය කරන හතෙම් කලීඩ් ප්රහාරයෙන් බරපතල තුවාල ලැබීය.
ඔවුන්ගේ මරණ තැතිගන්වන සුළුය. වීඩියෝ දර්ශනවල මාධ්යවේදීන්ගේ කබා සුන්බුන් අතර විසිරී ඇති ආකාරය පෙන්නුම් කෙරිනි. දුම සහ සුන්බුන් අතර විපතට පත් වූවන් සොයමින් සිටින මිනිසුන් පෙනුණි. එක තැනක වැඩිම මාධ්යවේදීන් ගණනක් මිය ගියේ අද ය. යුද්ධය ආරම්භ වූ දා සිට, පලස්තීන මාධ්යවේදීන් 190 කට ආසන්න සංඛ්යාවක් මිය ගොස් ඇති බව CPJ වාර්තා කරයි, දේශීය මාධ්ය සංගම් සහ අල් ජසීරා ඇස්තමේන්තු කර ඇත්තේ එම සංඛ්යාව 200 ඉක්මවන බවයි.
ගෝලීය ප්රතිචාරය
ප්රහාරය නිදහස් මාධ්ය කණ්ඩායම් සහ මාධ්ය සංවිධාන ඒ ආරංචිය ලද පළමු මොහොතේ සිට දැඩිව හෙළා දකිමින් මිය ගිය මාධ්ය සගයින් වෙනුවෙන් පෙනී සිටියේය.
අල් ජසීරා එහි ඡායාරූප ශිල්පියාගේ මරණය “සත්යය වළලා දැමීමට” ගත් උත්සාහයක් ලෙසත් ගාසාවේ වාර්තාකරුවන් නිහඬ කිරීමේ පුළුල් රටාවක කොටසක් ලෙසත් හැඳින්වීය.
මාධ්යවේදීන් ආරක්ෂා කිරීමේ කමිටුව යුක්තිය ඉල්ලා සිටි අතර, ප්රකාශ කළේ මෙම ඝාතන දැන් අවසන් විය යුතු බවය. අපරාධකරුවන්ට තවදුරටත් දඬුවම් නොලබා ක්රියා කිරීමට ඉඩ නොදිය යුතුය බව එම කමිටුව අවධාරණය කළේය.
දේශසීමා නොමැති වාර්තාකරුවන් සහ විදේශ මාධ්ය සංගමය ජාත්යන්තර පරීක්ෂණයක් ඉල්ලා සිටි අතර, මාධ්යවේදීන් ජාත්යන්තර නීතිය යටතේ ආරක්ෂා කළ යුතු බව අවධාරණය කළේය.
ආණ්ඩු කිහිපයක් අනතුරු ඇඟවීමක් ප්රකාශ කළ අතර, මානව හිමිකම් කණ්ඩායම් පැවසුවේ මෙම ප්රහාර ජාත්යන්තර මානුෂීය නීතිය උල්ලංඝනය කිරිමක් බවය.
එය වැදගත් වන්නේ ඇයි
විදේශීය මාධ්ය ඇතුළුවීම සීමා කර ඇති ගාසාවේ ගැටුමෙහි යථාව ලෝකයට පෙන්වා දෙන එකම අක්ෂි පථය මාධ්ය වේදින්ගෙන් ආවරණය වන්නේය. දැවැන්ත පුද්ගලික අවදානමක් ගෙන කරන ඔවුන්ගේ කාර්යයන් සිවිල් වැසියන්ට සිද්ධවන යුද්ධයේ හානිය වාර්තා කර තබන්නේය. එක් ප්රහාරයකින් පමණක් මාධ්යවේදීන් පස් දෙනෙකු ඝාතනය කිරීමෙන්, නසාර් රෝහල් ප්රහාරය ගාසා තීරයේ මානුෂීය ඛේදවාචකය ගැඹුරු කළා පමණක් නොව, මාධ්ය නිදහසේ හදවතට ද පහර දී ඇති බව දැන් ලෝකයට පෙනෙන්නේය.
සාක්ෂිකරුවන්ට එරෙහි යුද්ධයක්
බොහෝ දෙනෙකුට, ප්රහාරය තවත් බෝම්බ ප්රහාරයකට වඩා සංකේතාත්මක ගැඹුරක් දනවා ඇත. . සිදුවන්නේ කුමක්ද යන්න ලොවට පැවසීමේ කාර්යයේ යෙදී සිටි අයට එය ඍජු ප්රහාරයකි.
දිවි ගලවා ගත් අය සුන්බුන් අතර සගයන් සොයමින් සිටියදී, එක් මාධ්යවේදියෙක් තත්ත්වය කෙලින්ම ප්රකාශ කළේය.
“ඔවුන් ගාසා තීරයේ හඬ ගෙන යන අය මරා දමමින් නිහඬ කිරීමට උත්සාහ කරති.”. ඔහු කියන්නේ ශිෂ්ඨ යැයි සම්මත ලෝකයේ කුපාඩි අශික්ෂිත කමය.
