කොළඹ අපරාධ කොට්ඨාසයේ රැඳවුම් භාරයේ සිටි ප්රබල මත්ද්රව්ය ජාවාරම්කරුවකු ලෙස සැලකෙන මාකඳුරේ මධුෂ් අද (20) අලුයම මාලිගාවත්තේ සිදුවූ වෙඩි හුවමාරුවකදී මිය ගොස් ඇත. ඔහු විසින් දෙන ලද තොරතුරකට අනුව මාලිගාවත්ත නිවාස සංකීර්ණයක සඟවා ඇතැයි පැවසුණු මත්දුව්ය තොගයක් වැටලීමට ඔහුද එහි කැඳවාගෙන ගොස් ඇති අතර එහිදී මත්දුවය ජාවාරම්කරුවන් පිරිසක් විසින් සිදු කරන ලද ප්රහාරයකදී මධුෂ් මිය ගොස් ඇති බව පොලිසිය පවසයි.
මෙම වෙඩි ප්රහාරයේදී කොළඹ අපරාධ කොට්ඨාසයේ පොලිස් නිලධාරීන් දෙදෙනකුද තුවාල ලබා ඇති අතර ඔවුන් මේ වනවිට ජාතික රෝහලේ ප්රතිකාර ලබති. මෙම ස්ථානයේ සිදු කළ මෙහෙයුමකදී මත්ද්රව්ය තොගයක් සහ පිස්තෝල දෙකක් සහ යතුරු පැදියක්ද සොයා ගෙන තිබේ.
2019 පෙබරවාරි මාසයේ ඩුබායි හිදී අත්අඩංගුවට ගැනුණු මාකඳුරේ මධුෂ් එම වසරේම මැයි මාසයේදී ශ්රි ලංකාවට ගෙනවා අපරාධ පරීක්ෂණ දෙපාර්තමේනතුවේ රැඳවුම් නියෝග මත ප්රශ්න කිරීම්වලට ලක් වූ අතර මීට දින කිහිපයකට පෙර ඔහු ප්රශ්න කිරීම් සඳහා කොළඹ අපරාධ කොට්ඨාසයට ගෙන ආවේය. පසුගිය මාස කිහිපය තුළ ඔහු කිහිප වරක්ම අසනීප වී ඇති අතර ඔහුට ප්රතිකාර ලබා දීමටද සිදුවූ බව වාර්තා වේ.
