අධික වර්ෂාව හේතුවෙන් මේ වන විට පොළොන්නරුව සෝමාවතී රජමහා විහාරස්ථානය හා ආශ්රිත ප්රදේශය මුළුමනින්ම ජලයෙන් යට වී ඇති බව මල්වතු මහා විහාර ප්රධාන ලේඛකාධිකාරි සෝමාවතී රජමහා විහාරාධිපති පූජ්ය ආචාර්ය පහමුණේ සුමංගල නාහිමියෝ පවසති.
මේ වන විට වනාන්තරයේ වෙසෙන අලි ඇතුන් ඇතුළු වන සතුන් රැසක් සෝමාවතී පුද බිමට කොටුවී සිටින අතර විහාරස්ථානයට කිසිදු රථ වාහනයක් ගමන් කිරීමට නොහැකි බවත් හෙලිකොප්ටරයක් පවා ගොඩ බෑමට නොහැකි තත්ත්වයක් උද්ගතව පවතින බවත් උන්වහන්සේ වැඩිදුරටත් සඳහන් කළහ.
