ඉකුත් 16 දා සවස 4.30ට මහියංගනය වේරගංතොට පාලමෙන් මහවැලි ගඟට පනින ලද යුවළ ගෙන් අතුරුදහන් වු තරුණියගේ සිරුර අද (19 ) පස්වරුවේ දී හමුවූයේය. මළ සිරුර හමුවූයේ පාලමේ සිට කිලෝ මීටර 8ක් පමණ දුරන් මහියංගනය, හද්දත්තාව, ගඟේයාය ප්රදේශයේ මහවැලි ගඟේ අකුලක රැඳී තිබියදීය.
ගවයන් බැඳීම සඳහා මහවැලි ගඟ ආසන්නයට ගිය පුද්ගලයෙකු අහම්බෙන් ඇයගේ සිරුර දැක ඒ පිළිබඳව පොලීසියට දැනුම්දී තිබුණි. ඉන් අනතුරුව ඇයගේ සිරුර මව හා ඥාතීන් විසින් හඳුනාගෙන ඇත.
ගඟට පනිනු ලැබූ තරුණ යුවලගෙන් තරුණයා පිහිනා ගොඩට පැමිණ පොලිසියට භාර වූ අතර තරුණියගේ සිරුර දින තුනක් තිස්සේ අතුරුදහන්ව තිබිණි. තරුණයා පසුව ප්රතිකාර සඳහා මහියංගනය මූලික රෝහලට ඇතුළත් කරනු ලැබුවේය.
තරුණිය වයස අවුරුදු 19ක් වන රිදිමාලියද්ද, ගස්ගොල්ල ප්රදේශයේ පදිංචිකාරිනියක් වන අරත තරුණයා රිදිමාලියද්ද, යල්අරාව, හෙවන් වත්ත, ප්රදේශයේ පදිංචි වයස අවුරුදු 22ක අයෙකි.
තරුණියගේ මව පවසා තිබුණේ දෙදෙනා අතර අවුරුදු දෙකකට වඩා වැඩි කාලයක් පෙම් සබඳතාවයක් තිබු බවය. තරුණයාගේ වෙනත් පෙම් සබඳතාවයක් පිළිබඳ අනාවරණයවීමෙන් තරුණිය මීට මාසයකට පමණ පෙර දෙදෙනා අතර තිබූ සම්බන්ධතාවය නවතා දමා තිබූ බවද ඇය සඳහන් කළාය.
