මහරගම සීතා හස්ථියාට රබර් උණ්ඩ යොදා ඇති රයිෆලයකින් වෙඩි තබා ඇත්තේ වනජීවි ප්රාදේශීය කාර්යාලයට අනුයුක්තව සේවය කළ සිවිල් ආරක්ෂ භටයෙක් විසින් බව පොලිස් මාධ්ය ප්රකාශක කාර්යාලය පවසයි.
අලි වැට නඩත්තු කිරීම හා ආරක්ෂා කිරීමේ පදනම මත වනජීවි දෙපාර්තමේන්තුවට අනුයුක්ත කර ඇති සිවිල් ආරක්ෂක භටයන් විශේෂ අවස්ථාවලදී වනජීවි දෙපාර්තමේන්තුවට අදාල ආරක්ෂක රාජකාරිවල යොදවන බව මේ පිළිබඳ කළ විමසීමක දී වනජීවී දෙපාර්තමේන්තු ප්රකාශකයෙක් ලංකාසරට පැවසුවේය.
මෙම වෙඩි තැබීම මත පොලිස් අත් අඩංගුවට ගෙන ඇත්තේ මාපාකඩ වැව වනජීවී ප්රාදේශීය කාර්යාලයට අනුයුක්ත කර සිටි සිවිල් ආරක්ෂක දෙපාර්තමේන්තුවේ නිලධාරියෙකි.
මෙම නිලධාරියා මහියංගන මහේස්ත්රාත් අධිකරණය වෙත ඉදිරිපත් කිරීමට නියමිතව තිබේ.
මේ සම්බන්ධව මේ වනවිට විශාල සංවාදයක් ඇති වී ඇත්තේ වනජීවි අධ්යක්ෂ ජනරාල්වරයා විසින් වනජීවි නිලධාරීන් මෙම වෙඩි තැබීම සිදුකළ බවට කළ ලිඛිත ප්රකාශය මුල් කරගෙනය.
වනජීවි නිලධාරීන් මෙම වෙඩි තැබීම සිදුකර එම වරද සිවිල් ආරක්ෂක භටයෙක් වෙත පැවරීමට උත්සාහ කරන බවට සමාජ මාධ්ය ඔස්සේ යන ප්රචාරය ගැන විමසීමේ දී වනජීවි දෙපාර්තමේන්තුව පැවසුවේ වැරදි තීරණය ගත් නිලධාරියා සිවිල් ආරක්ෂකයෙක් වුව ද ඒ වනවිට වනජීවි දෙපාර්තමේන්තුව යටතේ රාජකාරියක් කළ පුද්ගලයෙක් බැවින් මෙම වගකීම දෙපාර්තමේන්තුව වෙත පවරාගෙන සිද්ධිය පිළිබඳ පුලුල් පරීක්ෂණයක් කරන්නට කටයුතු කළ බවය.
කෙසේ වෙතත් වනජීවි ආරක්ෂයන් සතු විය යුතු මූලික දැනුමවූ වන ජීවියෙක් සහ ගෘහස්ථ සතෙක් අතර මූලික චර්යාමය වෙනසවත් හඳුනා ගැනීමටඅවශ්ය ප්රාථමික දැනුම තිබිය යුතු බවට චෝදනාවක් එල්ල වී ඇත.
