මන්නාරම් දිස්ත්රික්යේ සතියක කාලයක සියලුම මස් වර්ග විකිණිම තහනම් කළ බව ශ්රී ලංකා මහජන සෞඛ්ය පරීක්ෂකවරුන්ගේ සංගමයේ සභාපති කේ.ඒ. පී බොරලැස්ස පවසයි.
ආපදාවෙන් මන්නාරම දිස්ත්රික්කයේ ගවයන් ඇතුළු ගොවිපළ සතුන් විශාල වශයෙන් මිය යාම සිදු වූ බැවින් එම සතුන්ගේ මස් මිනිස් පරිභෝජනය සඳහා වෙළඳපොලට පැමිණීම වැලැක්වීමේ අරමුණින් මෙම තීරණය ගෙන ඇති බවම සභාපතිවරයා පවසා සිටියි.
මේ අනුව මන්නාරම දිස්ත්රික්කය තුළ සතියක කාලයක් ගව මස්, එළු මස්, ඌරු මස් විකිණීම, විකිණීම පිණිස ගබඩා කර තබා ගැනීම, සහ මස් පිණිස සතුන් ඝාතනය කිරීම තහනම් කර ඇත.
මන්නාරම දිස්ත්රික්කය තුළ මෙම නියෝගය කර ඇතත් අන් ප්රදේශවලට එවැන තීන්දුවක් ගෙන නොමැති නමුත් මේ දිනවල මස් මිලදී ගන්නේ නම් එ් පිළිබඳව වඩාත් සැලකිලිමත් වන ලෙස මහජනතාවට සංගමය දැනුම් දී සිටියි. තවද මහජන සෞඛ්ය පරික්ෂකවරුන්ද මස් වෙළඳාම සම්බධයෙන් සිය අවදානය යොමු කර ඇති බවද බොරලැස්ස සඳහන් කරයි.
පරිභෝජනයට නුසුදුසු මාංශ වෙළෙඳාම සිදුවන අවස්ථා ගැන යම් තොරතුරක් ඇත්නම් සිය ප්රදේශය භාර මහජන සෞඛ්ය පරීක්ෂකවරයාට දන්වන ලෙස ද එසේ නොහැකිවන අවස්ථාවල දී දවසේ පැය 24 පුරා ක්රියාත්මක සෞඛ්ය අමාත්යාංශයේ ආපදා කළමනාකරණ ඒකකයේ ක්ෂණික දුරකතන අංකය වන 1926 ට දැනුවත් කරන ලෙස ද ඔහු ජනතාව දැනුම්වත් කරයි.
එවැනි පුද්ගයන් සම්බන්ධයෙන් දැඩිව නිතිය ක්රියාත්මක කරන බව ද ඔහු කීවේය.
