මනම්පිටියේ තාක්ෂණික සේවා වැලි සමාගම තුළ සිදුවන වංචා දූෂණ සම්බන්ධයෙන් මනම්පිටිය නිමල් ජයරත්න විසින් වාර්තා කරන ලදුව ලංකාසර පළ කළ ප්රවෘත්තිය සම්බන්ධයෙන් එම සමාගමේ ප්රධාන විධායක නිලධාරි නීතිඥ සහන් හේවාවිස්සගේ අත්සනින් යුතුව පැහැදිලි කිරීමක් අප වෙත එවා තිබේ.
එම පූර්ණ පැහැදිලි කිරීම පහත පලවේ.
පසු සටහන
අප විසින් වාර්තා කළේ ජී.එස්.බී.එම් ටෙක්නිකල් සර්විසස් පුද්ගලික සමාගමේ ඉහළ නිලධාරීන් කීප දෙනකු ටිපර් සඳහා වැලි ලබාදීමේදී ප්රමුඛත්වය ලබාදීමට අල්ලස් ගැනීම ප්රමුඛකොට සිදුවන දූෂණ කීපයක් සම්බන්ධව එම සමාගමේම තාක්ෂණික නිලධාරියෙක් නම් ගම් සහිතව හෙළිදරවු කරමින් ජනාධිපතිවරයා වෙත යොමුකළ ලිඛිත සංදේශයකි.
පුද්ගල අනන්යතාද හෙළි කරන ආකාරයේ සංවාද සහිතව මීට අදාල හඬපට ගණනාවක් ද අප වෙත යොමුකර ඇති අතර එම සාධක ද අදාල සංදේශයත් සමග ජනාධිපති ලේකම් කාර්යාලය වෙත යොමු කර තිබේ.
මේ සම්බන්ධව අප කළේ වාර්තා කිරීමක් පමණක් බවත් ඉදිරියේ දී සිදුවන විමර්ශනයක් හරහා සිදුවන පැහැදිලි කිරීම ද මේ ආකාරයෙන්ම පළ කිරීමට අප බැඳී සිටින බවත් කාරුණිකව දන්වා සිටිමු.
– කර්තෘ, ලංකාසර වෙබ් අඩවිය
