දැනට රටින් පැන ගොස් ඩුබායි රාජ්යයේ සැඟවී සිටින බෙලිඅත්ත පංච පුද්ගල ඝාතනයේ ප්රධාන ඝාතකයාගේ බිරිය සහ පියා පොලිසිය විසින් අත් අඩංගුවට ගෙන තිබේ.
ඔවුන් අත්අඩංගුවට පත්වන්නේ පල්ලෙවෙල පොලිස් වසමේ පාතගම මුද්දරගම ප්රදෙශයේදී ය. සැකකාර ඝාතකයා නාවික හමුදාවෙන් විශ්රාම ගොස් සිටින, නාවික හමුදාවෙන් විශ්රාම වැටුප් ලබන පුද්ගලයෙකි.
අත් අඩංගුවට ගෙන ඇත්තේ 39 හැවිරිදි ඔහුගේ බිරිය සහ 72 හැවිරිදි ඔහුගේ පියා ය. සිදුකරනු ලබන ප්රශ්න කිරීම්වලදී ප්රධාන වෙඩික්කරු වන විශ්රාමික නාවික හමුදා සෙබළා ජනවාරි මස 21 වන දින බස් රථයෙන් බෙලිඅත්ත ප්රදේශයට පිටව ගොස් අපරාධය සිදුකිරිමෙන් පසු ඩුබායි රාජ්යය වෙත පළාගොස් ඇති බව අනාවරණය වී ඇත.
මේ පලායෑම සඳහා ඩුබායි රාජ්යයේ සිටින නිපුන නමැත්තා විසින් ගුවන් ටිකට්පත් සකසාදී ඇති බව විමර්ශන ආරංචි මාර්ග කියයි.
