කොළඹ ජාතික රෝහල් පොලිසියේ රථවාහන පොලිස් ඒකකයට විරුද්ධව අද (12) දහවල් 12.00 රෝහල් පරිශ්රය තුළ සිදුකරන උද්ඝෝෂණයට සහභාගිව වන්නැයි රෝහලේ නියෝජ්ය අධ්යක්ෂ වෛද්ය රුක්ෂාන් බෙල්ල සියලුම වෘත්තීය සමිතිවලින් ඉල්ලිමක් කර ඇතත් සහභාගි වී ඇත්තේ කණිෂ්ඨ කාර්ය මණ්ඩ සාමාජිකයින් 20ක පමණ පිරිසක් බව රෝහල් ආරංචි මාර්ග සඳහන් කරයි.
උද්ඝෝෂකයින්ට වඩා රටේ සාමය හා ආරක්ෂාව වෙනුවෙන් පෙනී සිටින පොලිස් නිලධාරින් විශාල පිරිසක් රෝහල් පරිශ්රය තුළට පැමිණ සිටි බව රෝහල් ප්රකාශකයෙක් ලංකාසර වෙත පැවසීය.
මෙහි වඩාත්ම හාස්ය උපදවන කරුණ වන්නේ වෛද්ය බෙල්ලන සිය උද්ඝෝෂණයට සහය ඉල්ලා සිටින්නේ පසුගිය කාලයේදී ඔහුටම විරුද්ධව පෙළ ගැසුනු රෝහල් කනිෂ්ඨ කාර්ය මණ්ඩල සාමාජිකයින්ගෙන් බවද ඔවුන් මෙම උද්ඝෝෂණයට සහභාගි නොවීම හේතුවෙන් උරණ වූ වෛද්ය බෙල්ලන කනිෂ්ඨ කාර්යය මණ්ඩල සේවකයින්ට සිය අප්රසාදය පල කර ඇති බවද වාර්තාවේ.
අද පැවැත්වෙන් උද්ඝෝෂණයට සහය දක්වන මෙන් වෘත්තීය සමිති නායකයන්ට දුරකථන මාර්ගයෙන් ඊයේ වෛද්ය බෙල්ලන දැනුම් දී ඇතත් ලංකාසර වෙත අදහස් දක්වමින් ඇතැම් වෘත්තීය සමිති නායකයින් පවසා සිටියේ තම සංගම් එයට සහයෝගය නොදක්වන බවයි.
අද පැවත්වන උද්ඝෝෂණය සම්බන්ධයෙන් වෛද්ය බෙල්ලන හිටපු සෞඛ්ය ඇමති රාජිත සේනාරත්නට පවා දුරකථනයෙන් දැනුම් දි ඇති අතර ඔහු පවා පවසා ඇත්තේ මෙය උද්ඝෝෂණ නොකර සාකච්ඡා මාර්ගයෙන් විසඳාගත යුත්තක් බවත් උද්ඝෝෂණයන් කිරිමේ කිසිදු ප්රතිපලයක් නොමැති බවයැයි වෘත්තිය සමිති නියෝජාතයින් ලංකාසර වෙත පැවසුවේය.
මීට පෙරද මෙවැනි උද්ඝෝෂණයක් පැවැත්විම් රෝහලේ නියෝජ්ය අධ්යක්ෂවරයා කටයුතු කර ඇති අතර එය ද අසාර්ථක වු බව වෘත්තීය සමිති නියෝජිතයින් පවසා සිටියි.
රෝහල තුළ මේ වන විට සිදුවන අයථා ක්රියාකලාපයන් සම්බන්ධයෙන් පසුගිය සදුදා එක්තරා පුවත්පතක පළවු වාර්ථාවක් සම්බන්ධයෙන් වහාම සොයා බලා වාර්තාවක් ඉදිරිපත් කරන මෙන් සෞඛ්ය ඇමති වෛද්ය නලින්ද ජයතිස්ස සෞඛ්ය ලේකම්වරයා උපදෙස් දී ඇති බවද වාර්තාවේ.
මේ ලිපියත් කියවන්න….
බෙල්ලන ආයෙත් ජොබ් එක පටලාගෙන… හෙට ජාතික රෝහල ඉදිරිපිට පොලිසියට විරුද්ධව උද්ඝෝෂණයක් ලෑස්ති කරලා…
