සුමිත් පොතුපිටිය –
සේවය නිමවා නිවස කරා යමින් සිටි පුහුණුවන හෙද නිළධාරීනියකට ලිංගික අතවර කළ බවට චෝදනා එල්ලවී ඇති ප්රධාන පොලිස් පරීක්ෂකවරයා වැඩ තහනමකට ලක්කර ඇතැයි කළුතර උසස් පොලිස් නිළධාරියෙක් පැවසීය .
දොඩංගොඩ පොලිස් ස්ථානයට අනුයුක්තව විවිධ පැමිණිලි අංශයේ ස්ථානාධිපති ලෙසින් රාජකාරි කල 54 හැවිරිදි ප්රධාන පොලිස් පරීක්ෂක වරයෙකු මෙසේ වැඩ තහනමට ලක්ව ඇති බව සඳහන් වේ.
ඊට අදාල නියෝගය බස්නාහිර පළාත භාර ජේෂ්ඨ නියෝජ්ය පොලිස්පති දේශබන්දු තෙන්නකෝන්ගේ අත්සනින් යුතුව නිකුත්වී ඇතැයිද සඳහන්වේ.
චෝදනා ලැබ සිටින ප්රධාන පොලිස් පරීක්ෂකවරයා කළුතර මහේස්ත්රාත් අධිකරණයට ඉදිරිපත් කිරීමෙන් පසු ඇපමත මුදාහැර ඇති බවද නිළධාරියා වැඩිදුරටත් පැවසීය.
එමෙන්ම අධිකරණ ක්රියාමාර්ගවලට අමතරව පොලිස් දෙපාර්තමේන්තුව මගින් විධිමත් පරීක්ෂණයක් ක්රියාත්මක කරන ලෙස උපදෙස් ලැබී ඇති බැවින් කළුතර සහකාර පොලිස් අධිකාරී වරයෙකුගේ ප්රධානත්වයෙන් අභ්යන්තර විමර්ශනය ආරම්භ කර ඇති බවද පොලිස් ආරංචි මාර්ග සදහන් කරයි.
ඉකුත් 27 දා අම්බලන්ගොඩ දක්වා ධාවනය පෞද්ගලික බස් රථයක ගමන් කරමින් සිටියදී කළුවාමෝදර ප්රදේශයේ දී කළුතර සෞඛ්ය විද්යායතනයේ පුහුණ වන හෙදියකට ලිංගික අතවර කළ බවට ඇය විසින් බසයේදී දුරකථන ඇමතුමක් ලබා දී පැවසීමෙන් පසු මගීන් සහ පුහුණු හෙදියගේ සොහොයුරන් කිහිප දෙනෙක් එක්ව ප්රධාන පොලිස් පරීක්ෂකවරයා අලුත්ගම පොලිසියට භාරදී තිබේ.
ඒ අනුව අලුත්ගම පොලිස් ස්ථානය වෙතින් සැකකරු අත්අඩංගුවට ගෙන කළුතර මහේස්ත්රාත් අධිකරණයට ඉදිරිපත් කර තිබුණි.
