බස් රථ ගාස්තු සංශෝධනය සම්බන්ධව පෞද්ගලික බස් රථ සංගම් නියෝජිතයන් සහ ජාතික ගමනාගමන කොමිෂන් සභාව අතර පැවති සාකච්ඡා එකඟතාවකින් තොරව අවසන් වී තිබේ.
රුපියලකින් හෝ බස් ගාස්තු අඩු කරන ලෙසට ගමනාගමන කොමිසමේ නියෝජිතයින් බස් සංගම්වලින් ඉල්ලා තිබුණත් තවත් රුපියල් 30 කින් පමණ ඩීසල් මිල අඩු කරන්නේ නම් පමණක් බස් ගාස්තු සංශෝධනය කළ හැකි බව බස් සංගම් නියෝජිතයින් කොමිසමට දන්වා ඇති බව වාර්තා වේ.
බස් සංගම් පෙන්වා දි ඇත්තේ ඩීසල් මිල අඩුවුව ද බස් කර්මාන්තයේ අනෙකුත් යෙදවුම් මිල ඉහළ යාම හේතුවෙන් මේ මොහොතේ ගාස්තු අඩු කිරීමක් සිදුකළ නොහැකි බවය.
