දිනසේන රතුගමගේ
යාපනය බන්ධනාගාරයෙන් නිදහස ලබා නිවසට පැමිණ දින තුනකින් හදිසියේ මියගිය තරුණයෙකුගේ මරණය සැක සහිත බවට ඔහුගේ ඥාතීන් විසින් කළ පැමිණිල්ලකට අනුව ඊයේ (31) දා පොලිස් පරීක්ෂණ ආරම්හ කොට තිබේ.
යාපනයේ අරසාති ප්රදේශයේ පදිංචි 28 හැවිරිදි ගනේෂ් නිශාන්තන් නැමති 28 හැවිරිදි තරුණයෙකු කොල්ලකෑමේ සිද්ධියක් මත පොලීසිය විසින් අත් අඩංගුවට ගෙන අධිකරණයට ඉදිරිපත් කිරීමෙන් පසුව යාපනය මහේස්ත්රත්වරයාගේ නියෝගය පරිදි ඔහුව බන්ධනාගාර ගත කොට තිබේ.
ඊළඟ නඩුවාරයේදී ඔහුට ඇප මත නිදහස ලැබීම නිසා ඔහු නිවසට පැමිණ ඇති අතර නිවසේ සිටියදී ඔහු එක්වරම රෝගී වී යාපනය ශීක්ෂණ රෝහලට ඇතුළත් කොට තිබේ.
ඔහු රෝහල් ගත කිරීමෙන් පසුව මියගොස් ඇති අතර එම මරණය සැක සහිත බවට ඔහුගේ දෙමව්පියන් හා ඥාතීන් විසින් කළ පැමිණිල්ලක් මත පොලිස් පරීක්ෂණ ආරම්භ කොට තිබේ.
යාපනය පොලීසිය අධිකරණයට කළ දැනුම් දීමක් මත මියගිය තරුණයාගේ මරණය සම්බන්ධයෙන් පශ්චාත් මරණ පරීක්ෂණයක් පවත්වා අධිකරණයට වාර්තාවක් ඉදිරිපත් කරන ලෙස මහේස්ත්රාත්වරයා පොලීසියට නියෝග කොට තිබේ.
පොලීසිය පවසන්නේ එම වාර්තාවේ සඳහන් තොරතුරුවලින් පසුව තරුණයාගේ මරණය සම්බන්ධයෙන් විධිමත් පරීක්ෂණයක් ආරම්හ කෙරෙන බවය.
