ශ්රියානි විජේසිංහ
බදුල්ල රෝහලේ වෛද්ය නිලධාරී පාලිත රාජපක්ෂ මහතා ආපදාවන්ට පත්ව සිටින පුද්ගලයින්ට, රෝහල්ගතව සිටින රෝගීන්ට දැඩි කැපවීමෙන් කටයුතු කලද කිසියම් පිරිසක් සමාජ මාධ්ය භාවිත කරමින් ඔහුට මඩප්රහාරයක් දියත් කර ඇති බව රජයේ වෛද්ය නිලධාරීන්ගේ සංගමය සදහන් කරයි.
ඔහු වෛද්යවරයෙකුට එහා ගිය සේවාවක් ඉටුකරන පුද්ගලයෙකු බව ඌව පළාත තුල පමණක් නොව රටේ සෑම පළාතකම බොහෝ පිරිසක් දන්නා කරුණක් යැයි සංගමයප්රෙකාශකයෙක් ලංකාසර වෙත අදහස් දක්වමින් පැවසුවේය.
මේ වන විට දකුණු පළාතේ වෙළඳ ප්රජාව විසින් එක්රැස්කරගත් ආහාර , ජලය ඇතුළු විශාල ද්රව්ය ප්රමාණයක් බදුල්ල රෝහලට පැමිණ වෛද්ය පාලිත රාජපක්ෂ මහතා වෙත බාරදී ඇති බවද එම ප්රකාශකයා කීය.
ඔහු විසින් ආපදාවට පත් වූ බදුල්ල දිස්ත්රික්කය ඇතුළු තදාසන්න ප්රදේශයන් හී ජනතාවට සහ රෝගීන්ට ආහාර , ජලය ඇතුලු ද්රව්ය අවශ්ය බව සදහන් කරමින් සිය facebook ගිණුමේ පළ කල දැන්වීමකට අනුව විවිධ ප්රදේශයන්ගෙන් ආධාර විශාල වශයෙන් බදුල්ල රෝහලේ වෛද්ය පාලිත රාජපක්ෂ මහතා වෙත ලැබෙමින් පවතින බවත් ඔහු එම සියලුම ද්රව්ය ප්රදේශයේ විපතට පත් නොවු ජනතාව සහ සෞඛ්ය කාර්ය මණ්ඩල සාමාජිකයන් සමඟ එක්ව ආපදාවට පත් වූවන්ට බෙදා හැරිම මේ වන විටත් ආරම්බ කර ඇති බව ඔහු පැවසුවේය.
වෛද්ය පාලිත මහතා මෙම සමාජ සත්කාරයන් සිදුකරනුයේ රෝහලේ රෝගී සත්කාර සේවාවන් ඉටුකරමින් වීමද විශේෂත්වයක් යැයිද පේන්වා දෙන සංගම් ප්රකාශකයා වැඩිදුරටත් පවසා සිටිනන්නේ එලෙස තම රාජකාරියටත් එහා යමින් සේවාවක් ඉටුකරන මෙවැනි පුද්ගලයින්ට ඇතැම් පිරිස් සමාජ මාධ්ය යොදා ගනිමින් මඩ ගැසීමෙන් සිදුවන්නේ ඔහුගේ ගමන තවත් ශක්තිමත්ව ඉදිරියට යාමක් විනා නැවත හැරවීමක් නොවන බවයි.
