පොලිස් රෝහලේ වෛද්යවරයෙක් විසින් පොලිස් කොස්තාපල්වරයෙකුට මහනුවර ප්රසිද්ධ හෝටලයක (ගෝල්ඩන් ක්රවුන්) රථගාලේදී කළ පහරදීමක් ගැන පොලිස් පරීක්ෂණයක් ආරම්භ වී තිබේ.
මහනුවර මූලස්ථාන පොලීසියේ උසස් නිලධාරියෙක් සඳහන් කරනු ලැබුවේ ඉකුත් ඉරිදා පාන්දර මෙම පහරදීම සිදුව ඇති බවකි.
වෛද්යවරයා සෞඛ්ය අමාත්යාංශයෙන් නාරාහේන්පිට පිහිටි පොලිස් රෝහලට අනුයුක්ත කර ඇති නිලධාරියෙකි. පහරකෑමට ලක්වූ නිලධාරියා වෛද්යවරයාට පොලිස් දෙපාර්තමේන්තුවෙන් ලබාදුන් මෝටර් රථය පැදවීමට නිල වශයෙන් ලබාදී ඇති පොලිස් නිලධාරියෙකි.
වෛද්යවරයා සිය පවුලේ සාමාජිකයින් සහ මිතුරෙක්ද සමග වෑන් රථයකින් පුද්ගලික ගමනක් ලෙස මහනුවරට ගොස් ඇත. එම වෑන් රථයේ රියදුරු ලෙස රැගෙන ගොස් ඇත්තේ ඔහුය. වෛද්යවරයා බීමත්ව සිට ඇති බවත් වෑන් රථය රථ ගාලෙන් පිටතට ගැනීමේදී එහිදී එය වෙනත් රථයක ගැටීම මුල්කරගෙන එම පහරදීම සිදුව ඇති බවත් පොලිස් තොරතුරු සඳහන් කළේය.
එම පහරදීම ගැන පොලිස් කොස්තාපල්වරයා පැමිණිල්ලක් ඉදිරිපත්කර ඇති අතර ඒ සම්බන්ධයෙන් විමර්ශනයක් මේ වන විට සිදුවන බව උසස් නිලධාරියෙක් සඳහන් කළේය.
