වසරක කොන්ත්රාත් පදනම මත වසරක සේවා කාලයක් සඳහා අපරාධ බුද්ධි විශ්ලේෂණ හා නිවාරන කොට්ඨාසයේ අධ්යක්ෂ ලෙස විශ්රාමික ජ්යෙෂ්ඨ පොලිස් අධිකාරී ශානි අබේසේකර පත් කිරීම සඳහා ඊයේ (10) පැවති ජාතික පොලිස් කොමිෂන් සභා සැසිවාරයේ දී පොලිස් කොමිසමේ අනුමැතිය ලැබී තිබේ.
විශ්රාමික රජයේ නිලධාරින් නැවත සේවයේ යෙදවීම පිලිබඳ විධිවිධාන ඇතුළත් රාජ්ය පරිපාලන චක්රලේඛ අංක 03/2018 අනුව 2024.10.10 දින සිට වසරක කාලයක් මෙම පත්කිරීම සිදුකර තිබේ.
මේ වනවිට පාර්ලිමේන්තු මැතිවරණයක් කැඳවා ඇති බැවින් මෙම පත්කිරීම පිළිබඳ පූර්ණ එකඟතාවය මැතිවරණ කොමසාරිස් ජනරාල්ගේ EC/CG/PE/2024/08(1) සහ 2024.10.10 දිනැති ලිපයෙන් ලබා දී ඇත.
එමෙන්ම අපරාධ පරීක්ෂණ දෙපාර්තමේන්තුව භාර නියෝජ්ය පොලිස්පතිවරයා ලෙස කටයුතු කළ රොහාන් ප්රේමරත්න බස්නාහිර පළාත් උතුර භාර නියෝජ්ය පොලිස්පතිවරයා ලෙස මාරුකර යවා ඇත.
පොලිස් මූලස්ථානයට අනුයුක්තව මුදල් විශුද්ධිකරණ හා සමබන්ධ විමර්ශන කටයුතු සිදුකිරීම පිණිස (මූල්ය බුද්ධි ඒකකය 2) සහ පිරමීඩ ආකාරයේ තහනම් යෝජනා ක්රම සහ අතත්ය මුදල් පිළිබඳව විමර්ශනය කිරීම පිනිස මහ බැකංවු ස්ථාපිත කර ඇති විශේෂ විමර්ශන ඒකකයේ රාජකාරි අධික්ෂණ තනතුර දැරූ නියෝජ්ය පොලිස්පති පී.අම්පාවිල එම තනතුරේ සිට අපරාධ පරික්ෂණ දෙපාර්තමේන්තු දිසාව භාර රාජකාරි කටයුතු සඳහා යොමු කර ඇත.
එම ලිපිය පහත දැක්වේ.
