මහනුවර මහ නගර සභාවෙ කාලයක සිට තිබෙන වංචා හා දූෂණ සම්බන්ධයෙන් නගර සභා පරිපාලනය ගෙන තිබෙන ක්රියාමාර්ග විමසීම සඳහා අද මහනුවර නගරසභාවට පැමිණි මධ්යම පළාත් ප්රධාන ලේකම් අජිත් ප්රේමසිංහ ඇතුළු කණ්ඩායමකට නගර සභා පරිපාලනය නගරසභා අරමුදල්වලින් බුෆේ ක්රමයට සුපිරි දිවා ආහාරයක් ලබා දී ඇතැයි වාර්තා වේ.
මහනුවර සුපිරි හෝටලයකින් මෙම දිවා ආහාරය සංවිධානය කර තිබු අතර හෝටල් කාර්ය මණ්ඩලය ද සංග්රහ කටයුතු වෙනුවෙන් යොදවා තිබී ඇත.
මෙම නිලධාරීන් පිරිස අද නගරසභාවට පැමිණ තිබුණේ විගණන වාර්තාවලින් හෙළිවන දූෂණවලදී නිශ්චිත පුද්ගලයෙකුට දඬුවම් ලැබුනත් එම දූෂිත ක්රියාමාර්ග සිදුවන්නට ඉඩ හළ ඉහළ නිලධාරින් වෙනුවෙන් ගත යුතු ක්රියාමාර්ග සම්බන්ධව මූලික කරුණු විමසීමක් සඳහා ය.
විගණනය මේ සම්බන්ධව දිගින් දිගටම පළාත් ලේකම්වරයාගෙන් විමසීම් කරද්දී ඔහු විගණන නිලධාරීන්ට තහවුරු කර තිබුණේ අද පැමිණ මේ පිළිබඳව පුළුල් විමසීමක් සිදුකරනු ලබන බවය.
ප්රධාන ලේකම්වරයා සහ පළාත් පාලන කොමසාරිස්වරිය ඇතුළු කණ්ඩායම පෙරවරු 9ට ඔවුන්ට වෙන් වූ නිල වාහනවලින් පැමිණ නාගරික කොමසාරිස්වරිය ඇතුළු දෙපාර්තමේන්තු ප්රධානීන් සමග සාකච්ඡාව පවත්වා සුපිරි දිවා ආහාරයක් ද භුක්ති විඳ හොරකම් අල්ලන ආකාරය පිළිබඳව පහළ නිලධාරීන් කලකීරිමකින් යුතුව කතා කරමින් ලංකාසරට කීවේ දූෂණය වැලැක්වීමට ජන වරම ලද නව ජනාධිපතිවරයාගේ නියෝජිතයා වූ නව ආණ්ඩුකාරවරයා මෙවැනි සදාචාරාත්මක නොවන හැසිරීම් සම්බන්ධව ගනු ලබන ක්රියාමාර්ග පිළිබඳව බලා සිටින බවය.
වාර්තාවන පරිදි පැවති තත්ත්වය පිළිබඳව මේ වනවිට නව ආණ්ඩුකාරවරායාද දැනුම්වත්ව තිබේ. මින් පෙර සිටි ආණ්ඩුකාරවරයාට නගරසභාවේ සිදුවන අතෝරක් දූෂණ සම්බන්ධව දැනුම් දුන්න ද නෑසූකන්ව සිටි ආකාරයත් එම සේවකයො සිහි කළහ.
