ශ්රී ලංකා ස්වාධීන පොලිස් කොමිසමේ සභාපති ධූරය ලබා ගැනීම සඳහා විශ්රාමික උසස් පොලිස් නිලධාරීන් සිවු දෙනෙක් විලි ලජ්ජා නැතිව දේශපාලන වන්දනාවේ යන බව පොලිසියේ අභ්යන්තර ආරංචි මාර්ග හෙළි කරයි.
මෙසේ “කඩේ යන“ බව පවසන්නේ ශ්රී ලංකා පොලිසියේ හිටපු පොලිස්පතිවරයෙක් සහ ජ්යෙෂ්ඨ නියෝජ්ය පොලිස්පතිවරු තුන් දෙනෙකි.
පොලිස් කොමිසමේ සභාපති ධූරය බලාපොරොත්තුවන මෙම හිටපු පොලිස්පතිවරයා ගර්හාවට පත් දේශපාලකයෙක් පිළිගැනීම සඳහා කටුනායක ගුවන්තොටුපලට ගොස් රටේම අප්රසාදයට පත් වූ පුද්ගලයෙකි.
සටනේ සිටින විශ්රාමික ජ්යෙෂ්ඨ නියෝජ්ය පොලිස්පතිවරුන් තිදෙනා අතරින් එක් පුද්ගලයෙක් යහ පාලන ආණ්ඩුව සමයේ පොලිස් කොමිසමේ සාමාජිකයෙක්ව සිට කාන්තා බිලි ගෙන උසස්වීම්, ස්ථාන මාරු වීම් ලබා දෙන්නට ගොස් අතේ මාට්ටු වූ ස්ත්රී ධූර්තයෙක් ලෙස හංවඩු ගැහුණු තැනැත්තෙකි.
අනෙක් පුද්ගලයාය යහ පාලන ආණ්ඩුව සමයේ අප්රසාදයට පත් වූ විමර්ශන ආයතනයක ප්රධානියා ලෙස කටයුතු කළ අයෙකි.
තුන්වෙනි පුද්ගලයා පසුගිය අරගල සමයේ අරගලය අතිශයෝක්තියට නගමින් අරගල භූමියේ නිරන්තරව දක්නට ලැබුණු පුද්ගලයෙකි.
ඔවුන් මේ ආකාරයේ දේශපාලන වන්දනාවේ යමින් තනතුර සඳහා පොර බදද්දී පොලිස් කොමිසමේ සභාපති ධූරය සඳහා ප්රසාදයට පත් හිටපු පොලිස්පතිවරයෙක් වූ එන්.කේ ඉංලගකෝන් වෙත කළ ආරධානය ඔහු කාරුණික ලෙස ප්රතික්ෂේප කර ඇතැයි වාර්තා වේ.
මේ අතර අපරාධ විමර්ශන කාර්යයේ දී ගෞරවයක් දිනාගත්, ඒ හේතුව නිසාම දැඩි දේශපාලන පලිගැනීමට ලක් වූ විශ්රාමික ජ්යෙෂ්ඨ පොලිස් අධිකාරී ශානි අබේසේකර පොලිස් කොමිසමේ සාමාජිකයෙක් ලෙස යෝජනා කිරීමට අවධානය යොමු වී ඇතැයි ද වාර්තා වේ.
