දිනසේන රතුගමගේ –
යාපනයේ පේදුරුතුඩුව බස් නවතුම්පල ඉදිරිපිටදී පේදුරුතුඩුව රෝහලේ වෛද්යවරයෙකුව යට කරගෙන වෑන් රථයක් ධාවනය වීම නිසා මාරාන්තික තුවාල ලැබූ වෛද්යවරයා ඊයේ (05) පේදුරුතුඩුව රෝහට ඇතුළත් කොට තිබේ.
වෛද්යවරයාගේ තත්ත්වය ඉතා බරපතල බැවින් ඔහුව යාපනය ශීක්ෂණ රෝහල වෙත රැගෙන ගොස් එම රෝහලේ දැඩි සත්කාර ඒකකයට අතුළත් කොට තිබේ
එස්.සුදර්ශන් නැමති මෙම වෛද්යවරයා සිය යතුරු පැදියෙන් නිවස බලා යමින් සිටියදී ඉදිරිපසින් පැමිණි වෑන් රථයක් යතුරු පැදියේ මුහුණට මුහුණ ගැටී තිබේ.
අධික වේගයෙන් පැමිණි වෑන් රථය රියදුරුට පාලනය කර ගැනීමට නොහැකි වීමෙන් මෙම අනතුර සිදුව ඇති අතර අනතුර සිදු කළ වෑන් රථය ඒ අවස්ථාවේදී පලා ගොස් ඇත.
පේදුරුතුඩුව පොලිසියේ නිලධාරීන් පසුව එම වාහනය හා අනතුර සිදු කළ රියදුරාව අත් අඩංගුවට ගෙන තිබේ.
පේදුරුතුඩුව පොලිසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
