ලලිත් චාමින්ද –
පුතා විසින් තම මවට පිහියකින් ඇන ඝතනය කොට සිය බිරිදටද පිහියකින් ඇණ බරපතල තුවාල සිදුකොට ඇති බැව් අහංගම පොලිසිය පවසයි.
ඊයේ (15) රාත්රි 7.30ට පමණ මෙම සිද්ධිය වි ඇත. මෙසේ ඝාතනය කොට ඇත්තේ අහංගම සතොසගම, තිත්තගල්ල පෑලැස්ස ලිපිනයේ පදිංචි මහගමගේ නන්දාවතී ( 78) තැනැත්තියකි.
ඇයගේ පුතා විසින් ඇයගේ පපු ප්රදේශයට පිහියෙන් ඇන ඝාතනය කොට ඇති අතර පසුව සැකකරු විසින් ඔහුගේ නිවසේ සිටි ෙ තම බිරිඳ වන වොසාකා වීරසූරිය (අවු.57)යන ඇයටද පිහියෙන් ඇන බරපතල තුවාල සිදුකොට ඇති බව පොලිසිය පවසයි. පිහිඇනුමෙන් බරපතල තුවාල ලැබු මෙම කාන්තාව 1990 ගිලන්රථයක් මගින් ගාල්ල කරාපිටිය ජාතික රෝහලට ඇතුළත්කොට ඇත. ඇයගේ තත්ත්වය බරපතල බව පොලිසිය පවසයි.
සැකකරු පිහියත් රැගෙන අහංගම පොලිස් ස්ථානයට පැමිණ භාරවි ඇති අතර සැකකරු පොලිසිය මගින් අත්අඩංගුවට ගෙන පොලිස් ස්ථානයේ රඳවාගෙන ඇත. සැකකරු මායාකඩුවගේ සුජීවකුමාර (අවු.52) නැමති කම්කරු රැකියාවේ නිරත එක්දරුපියෙකි.
සැකකරු දිගු කලක් තිස්සේ තම මව සහ බිරිඳ සමඟ ආරවුල් ඇති කරගෙන ඇති අතර පෙරේදා (15)රාත්රියේ ද මව සමග ඇතිකරගත් ආරවුලක් දුරදිග යාමෙන් මෙම අපරාධය සිදුකොට ඇති බව පොලිසිය පවසයි. අහංගම පොලිසිය වැඩිදුර පරික්ෂණ පවත්වයි.
