පවතින දැඩි වියළි කාලගුණ තත්ත්වය හේතුවෙන් ජල මූලාශ්රවල ජල මට්ටම පහළ යාම පාලනය කරමින් ජල සැපයුම කළමනාකරණය කිරීමේ පියවරක් ලෙස, ප්රදේශ රැසකට අද (09) රාත්රියේ සහ හෙට (10) දිනයේ පැය 12 බැගින් වූ ජල කප්පාදුවක් ක්රියාත්මක කරන බව ජාතික ජල සම්පාදන හා ජලාපවහන මණ්ඩලය නිවේදනය කරයි.
අදාළ ජල කප්පාදුව අදියර දෙකක් යටතේ දිවා සහ රාත්රී කාලවලදී ප්රදේශ කිහිපයකට ක්රියාත්මක කෙරෙනු ඇත.
හෙට (10) උදෑසන 8.00 සිට රාත්රී 8.00 දක්වා ජල සැපයුම අත්හිටුවන ප්රදේශ:
-
පැලැන්වත්ත, සිද්ධමුල්ල, ඇරැව්වල, නිවන්තිඩිය, බෝකුන්දර පාර සහ රත්මල්දෙණිය.
-
මහරගම – පිළියන්දල පාර, මොරකැටිය පාර, හිරිපිටිය, ගොරකපිටිය පාර, නියඳගල පාර සහ දොලේකඩේ හංදිය.
-
කුඩමාදුව සිට 255 බස් මාර්ගයේ වෙල දක්වා ප්රදේශය.
-
පුබුදු මාවතේ සිට 255 බස් මාර්ගයේ වෙල දක්වා ප්රදේශය.
අද (09) රාත්රී 8.00 සිට හෙට (10) උදෑසන 8.00 දක්වා ජල සැපයුම අත්හිටුවන ප්රදේශ:
-
හෝමාගම, වෑකන්ද පාර, පින්කෙත පාර, වලව්ව පාර, ගැමුණු මාවත සහ අතුරුගිරිය පාර.
-
ගලවිලවත්ත, නියඳගල, මහකටුවාන, මාගම්මන සහ දෙණිය.
-
දියගම විශ්වවිද්යාලය සහ ඒ අවට ප්රදේශ.
දිවයිනට බලපා ඇති වියළි කාලගුණික තත්ත්වය හමුවේ සීමිත ජල සම්පත ඉතා අරපිරිමැස්මෙන් භාවිත කරන ලෙසත්, මෙම ජල කප්පාදුව හේතුවෙන් සිදුවිය හැකි අපහසුතාවයන් මඟහරවා ගැනීම සඳහා කල්තියා අවශ්ය ජලය රැස් කර තබා ගන්නා ලෙසත් ජාතික ජල සම්පාදන හා ජලාපවහන මණ්ඩලය පාරිභෝගික ජනතාවගෙන් වැඩිදුරටත් ඉල්ලා සිටියි.
