පාකිස්තානයේ වෙසෙන සීක් ප්රජාව විසින් තම ප්රජාවගේ ගරුත්වයට හානි කරමින් කටයුතු කරන පුද්ගලයෙකුට එරෙහිව වහාම නීතිය ක්රියාත්මක කරන ලෙසට ඉල්ලා තිබේ.
මොහොමඩ් ක්වාසිම් ඩොගර් නැමති මෙම පුද්ගලයා වංචනික ලෙස තමන් සීක් ජාතිකයෙකු බවට පෙනී සිටිමින් එම ප්රජාව තුල සහ අනෙක් ප්රජාවන් අතර ගැටීම් ඇතිකරන ආකාරයේ කටයුතු කරන බවට සීක් ප්රජාව පවසයි.
අදාල පුද්ගලයා විසින් ජාත්යන්තර මට්මටම් වැඩසටහන් වලට එක්වෙමින් සීක් ජනතාවට අපහාස සහ ඔවුන් සම්බන්ධයෙන් වැරදි මතයක් ජාත්යන්තරය තුල ඇතිවන අකාරයේ කටයුතු කර ඇති බවට චෝදනා එල්ලවෙයි. එහිදී මෙම පුද්ගලයා විසින් ව්යාජ සහ නොමඟ යන ආකාරයේ වීඩියෝ දිගින් දිගටම පළකරමින් සිටින බවටද පාකිස්ථාන සීක් ප්රජාව පෙන්වා දෙයි.
අවස්ථා කිහිපයකදීම සීක් ප්රජාව විසින් තම ප්රජාවට අපහාස කරමින් කටයුතු නොකරන ලෙස ඉල්ලා සිටියදී අදාල පුද්ගලයා විසින් එය තැකීමටක ලක් කර නොමැති බවද සීක් ජනයා පවසයි. මෙම තැනැත්තා විසින් ඉතා චතුර ලෙස සීක් බස කතා කරන බවත් ඔවුන් විසින් පළඳින ජටාව පැලද වීඩියෝ පළකර බවටද වාර්තාවේ.
එම වීඩියෝ වලින් බහුතරයක් ඉන්දියාවට අපහාසා සහ ඔවුන් සමඟ වෛරයක් ඇති කරන ස්වරූපයේ ප්රකාශ බවද වාර්තා වන අතර එමගින් දෙරට අතර මෙන්ම ඉන්දියාවේ වෙසෙන සීක් ජනතාවට අතරද යම් අර්බුදයක් නිර්මාණය කළ හැකි බවද සීක් ප්රජාව වැඩිදුරටත් පේනවා දෙයි.
