පාකිස්ථානය සිය ණය පැහැර හැරීමේ අවදානම මෙම සහතිය වන විට සියයට 52ක් දක්වා ඉහළ ගොස් ඇති බව ණය පැහැර හැරීම් සම්බන්ධයෙන් විශ්ලේෂණය කරනු ලබන ණය පැහර හැරීමේ හුවමාරු ආයතනය අනාවරණය කරයි.
ඒ අනුව පාකිස්ථානයේ ණය පැහැර හැරීමේ අවදානම වසර 13 කට පසුව වැඩියෙන්ම ඉහළ අගය මේවන වන වාර්ථා වන බවද අදාල ආයතනය සඳහන් කරයි. මෙම නවතම අනාවරණයත් සමඟ පාකිස්ථානය සම්බන්ධයෙන් විදෙස් ආයෝජකයන් තුල පවතින විශ්වාසය සීඝ්රයෙන් පහළ ගොස් ඇති බවද වාර්තා වේ.
මේ අතර පාකිස්ථානයේ ණය පැහැර හැරීමේ අවදානම මෙම වසරේ මැද භාගයේදී සියයට 30ක් දක්වා ඉහළ ගියද ජාත්යන්තර මුල්ය අරමුදල සමග ඇති කරගත් එකඟතාව අවදානම යම් ආකාරයකින් පහළ ගොස් තිබිණි.
ඊට හේතුවී ඇත්තේ ජාත්යන්තර මූල්ය අරමුදලෙන් ඇමරිකානු ඩොලර් බිලියන 6.5ක ලබා දීමට එකඟවීමත් සමඟයි. කෙසේ වෙතත්, මේ දිනවල එය නැවතත් හදිසියේම ඉහළ යමින් පවතින අතර, කල් පිරෙන ණය ගෙවීමට පකිස්ථානය අපොහොසත් වන බව විදේශීය ආයෝජකයින් අවබෝධ කරගැනීමත් සමඟම මෙම තත්ත්වය නිර්මාණය වී ඇත.
මේවන විට පාකිස්ථානයේ විදේශ සංචිත සීඝ්රයෙන් පහළ බැස ඇති අතර එය පාකිස්ථානයේ මාසයක ආනයන සඳහා පමණක් ප්රමාණවත් බවට අනාවරණය වී ඇති අතර දැඩි අවිනිෂ්චිත තාවයක් ඇති කිරීමට හේතු වී තිබේ.
මේ අතර පසුගිය කාලයේදී පාකිස්ථානයට බලපෑ දැඩි ගංවතුර තත්ත්වයත් සමඟ පාකිස්ථාන ආර්ථික උඩුයටිකුරු කිරීමට සමත්වූ අතර එය එරට ණය ගෙවීමේ හැකියාවටද විශාල බලපෑමක් එල්ල කරනු ලැබීය.
