මනම්පිටිය නිමල් ජයරත්න –
ප්රදේශයේ විහාරස්ථානයට ලබාදුන් ඉඩමක් බව කියමින් වන අලි ඇතුළු වනසතුන් බහුලව ගැවසෙන පොළොන්නරුව ජල ගැලුම් නිම්න ජාතික වනෝද්යානයට මායිම්වූ පේරක කලාපයේ දිවුලාන රක්ෂිතයට අයත් අක්කර විසි පහකට වැඩි භූමියක දැවැන්ත වන සංහාරයක් කළ පුද්ගලයින් දෙදෙනෙක් බැකෝ යන්ත්ර දෙකක් සමග අද උදේ (30) අත්අංගුවට ගෙන තිබේ.
පොලොන්නරුව වනජීවී කාර්යාලය පවසන්නේ අත්අඩංගුවට ගත් සැකකරුවන් පොලොන්නරුව ඕනෑගම,හා කදුරුවෙල ප්රදේශයේ පදිංචි කරුවන් බවය.
මීට දින කිහිපයකට සිට එම වන සංහාරය සිදුකර ඇති අතර ලද තොරතුරක් අනුව සිදුකළ වැටලීමේදී ඔවුන් අත්අඩංගුවට ගෙන තිබේ.
මෙම සැකකරුවන් දෙදෙනා ජල ගැලීම් ජාතික වනෝද්යානයේ පේරක කලාපයේ අක්කර 25 කට පමණ වැඩි ප්රමාණය වැඩුණු තිබෙන වටිනා ශාක, පඳුරු, විනාශ කර ඇත්තේ කුමක් අරමුණු කරගෙන ද යන්න මෙතෙක් තහවුරු කරගෙන නොමැති බව පොලොන්නරුව වනජීවී කාර්යාලයේ නිලධාරීහු සඳහන් කළහ.
පන්සලකට පැවරූ ඉඩමක් ලෙස පවසා මෙම සැකකරුවන් එම රක්ෂිත ප්රදේශ විනාශ කර ඇතත් කැළෑ හෙළි පෙහෙළි කිරීමට අවසරය සහිත කිසිදු ලියකියවිල්ලක්, ඔවුන් සතුව නොමැති වූ බවද වනජීවී නිලධාරීහු කීහ.
පොලොන්නරුව අඩවි ආරක්ෂක පී. ඩී. එස්. ශාන්තගේ උපදෙස් මත, එස්,ඒ වික්රමරත්න, ඒ.එස්.නාලක, එම්.ආර්. ප්රියදර්ශන,
යන අඩවි සහකාරවරුන් ඇතුළු, සිවිල් ආරක්ෂක ජ්යෙෂ්ඨ නියාමක එස්, උමාන්තන්, ක්ෂේත්ර සහකාර, පී.එම්.ආර්. දිසානායක, ක්ෂේත්ර සහයක, එච්,ඒ,සේනාරත්න,සිවිල් ආරක්ෂක ලසන්ත, නියාමක විජිත නන්දන, රියදුරු කුමාර රාජපක්ෂ යන අයවලුන් මෙම වැටලීම එක් වී සිටියහ.
අත්අඩංගුවට ගත් සැකකරුවන් දෙදෙනා සහ බැකෝ යන්ත්ර දෙක 30 වෙනිදා පොලොන්නරුව මහේස්ත්රාත් අධිකරණයට ඉදිරිපත් කිරීමට නියමිත බවද පොලොන්නරුව අඩවි සහකාර එස්,ඒ. වික්රමරත්න වැඩිදුරටත් කීවේය
