ඊයෙ (09) මහනුවර මධ්යම වෙළෙඳ පොළ ඉදිරිපිට පැවැති සමගි ජන බලවේගයේ ජන රැළිය අතරතුර රතිඤ්ඤා පත්තු කිරිමෙන් පොලිස් නිලධාරින් 06 දෙනෙකු ඇතුළු 09 දෙනෙකු තුවාල ලැබීමේ සිද්ධියට අදාලව අත් අඩංගුවට ගත් සැකකරුවන් දෙදෙනෙක් අධිකරණයට ඉදිරිපත් කිරීමෙන් අනතුරුව මේ මස 20 දක්වා රක්ෂිත බන්ධනාගාරගත කර තිබේ.
නොසැලකිලිමත් ලෙස රතිඤ්ඤා පුපුරවා හැර පුද්ගලයින්ට තුවාල සිදු කිරීමේ චෝදනාව යටතේ විමර්ශන අංශ මෙම සැකකරුවන් දෙදෙනා අත් අඩංගුවට ගෙන ඇත්තේ තුවාල ලැබූ පොලිස් නිලධාරින් 06 දෙනා ඇතුළු සිද්ධිය සියැසින් දුටුවන් ලබා දුන් සාක්ෂි මතය.
ඔවුන් දෙදෙනා පොල්ගොල්ල සහ අම්පිටිය ප්රදේශ වල පදිංචිකරුවන් බව පොලීසිය පවසයි.
මුලින් දැල් වූ රතිඤ්ඤා වැලක ගිනි පුපුරු පසුව පත්තු කිරිමට නියමිතව තිබූ රතිඤ්ඤා තොගයක් මතට වැටීමෙන් පසු ඒවා පුපුරා යෑමෙන් මෙම අනතුර සිදුව තිබෙන බව පොලිස් පරීක්ෂණ මගින් අනාවරණය වී තිබේ.
සිද්ධිය වූ ස්ථානයේ තිබී පොලිස් හිස් වැසුම් 06 ක් සහ පුපුරා නොගිය රතිඤ්ඤා කරල් 130 ක්, තුන් හුලස් රතිඤ්ඤා 05 ක් පොලීසිය භාරයට ගෙන ඇත.
සැකකරුවන් දෙදෙනා අද (10) මහනුවර අතිරේක මහේස්ත්රාත් අධිකරණයට ඉදිරිපත් කිරීමෙන් පසු මෙම මස 20 දක්වා රක්ෂිත බන්ධනාගාර ගතකර තිබේ.
