ශ්රියානි විජේසිංහ –
-
මාතර සහ කඹුරුගමුව රෝහල්වල වෛද්ය මාරුවීම් සඳුදා වනවිට සිදුනොවුනොත් වෘත්තීය සමිති ක්රියාමාර්ගයකට කරනවා…
වෛද්යවරුන්ගේ ස්ථනමාරු ක්රියාවලිය හෝ හරියාකාරිව ක්රියාත්මක නොකිරීමට සෞඛ්ය අංශයේ නිලධාරීන් ක්රියා කරමින් සිටින බවත් ඔවුන් මේ සැරසෙන්නේ පෙර සෞඛ්ය අමාත්යවරුන්ට අත්කළ ඉරණම වත්මන් සෞඛ්ය අමාත්යවරයාටත් අත්කිරීමටදැයි සැකයක් ඇතිවන බවත් රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ සඳහන් කරයි.
මාතර දිස්ත්රික්ක රෝහලෙන් යම් යම් ඒකක ඉවත් කර එම ඒකක කොරියානු ආධාර යටතේ ඉදිකළ කඹුරුගමුව දිස්ත්රික්ක රෝහල තුළ ස්ථාපිත කරමින් රෝහල් දෙක වෙන වෙනම පවත්වාගෙන යාමට කටයුතු කළ සෞඛ්ය අමාත්යංශය හිටි හැටියේම එම රෝහල් දෙක දෙකක් නොව එකක් බවට ප්රකාශ කිරිම ගැටලු සහගත යැයි වෛද්ය විජේසිංහ පවසා සිටියි.
වෛද්යවරුන්ගේ ස්ථාමාරු ලැයිස්තුව සකස් කරමින් සෞඛ්ය බලධාරීන් සමඟ සාකච්ඡා වට කීපයක් පැවැත් වූ නමුත් ඒ කිසිම මොහොතක මෙය එක් රෝහලක් ලෙස ප්රකාශ නොකර සිට ස්ථානමාරු ලැයිස්තුව රාජ්ය සේවා කොමිෂන් සභාව වෙත යැවීමෙන් පසුව එය රෝහල් දෙකක නොව එකක් ලෙස ප්රකාශ කිරීම බරපතල කරුණක් බව හෙතෙම පෙන්වාදේ.
වසර 2024 තුළ ස්ථානමාරු ලැයිස්තුව ප්රසිද්ධ කර මාස 5ට වැඩි බවත් ඒ සම්බන්ධයෙන් සෞඛ්ය ඇමති, සෞඛ්ය ලේකම්, හා සෞඛ්ය සේවා අධ්යක්ෂ ජනරාල්වරයා සමග පැවති සාකච්ඡාවේදී මෙය රෝහල් දෙකක ලෙස පවත්වාගෙන යාමට එකඟතාව පල කල බවත් වෛද්ය චමිල් පවසයි.
මෙම ගැටලුව හේතුවෙන් මාතර සහ කඹුරුගමුව රෝහල්වල වෛද්යවරුන් 19 දෙනෙකුට ලැබිය යුතු ස්ථානමාරුවීම් ඇණ හිට ඇති බැවින් එම ගැටලුව ලබන සඳුදා දිනය වන විට විසඳීමට කටයුතු නොකරන්නේ නම් දැඩි වෘත්තීය සමිති ක්රියාමාර්ගයන්ට යාමට සිදුවනු ඇති බවද සංගමය අනතුරු අඟවා සිටියි.
