පොදුජන එක්සත් පෙරමුණේ ජාතික සංවිධායක නාමල් රාජපක්ෂ විසින් ස්වකීය කීර්ති නාමයට හානි කිරීම සම්බන්ධව රුපියල් බිලියනක වන්දියක් ඉල්ලමින් මහජන ආරක්ෂක සහ පාර්ලිමේන්තු කටයුතු නියෝජ්ය අමාත්ය සුනිල් වටගල වෙත එන්තරවාසියක් යොමු කර තිබේ.
පසුගිය 06 වැනිදා හෝමාගම ප්රදේශයේ පැවති මාධ්ය හමුවක දී නාමල් රාජපක්ගේ ඡායා රූපයක් ප්රසිද්ධ මාධ්ය වෙත ඉදිරිපත් කරමින් ඔහු රටේ ප්රධාන මත්ද්රව්ය ජාලයේ ක්රියාකාරිකයෙක් බව හැඟෙන ආකාරයට කළ ප්රකාශය රටේ ප්රධාන ධාරාවේ සෑම මාධ්ය ආයතනයකම ප්රධාන ප්රවෘත්තියක් වී ඇති අයුරුත්, එම ප්රකාශ රූප රාමු ද සහිතව විකාශනය වූ අයුරුත් දක්වන නාමල් රාජපක්ෂගේ නීතිඥවරුන් පෙන්වා දෙන්නේ මෙම ප්රකාශය ඉතාම අසත්ය වංක චේතනාවෙන් කරන ලද්දක් බවය.
මෙම ප්රකාශය දේශපාලන වශයෙන් සිය සේවාදායකයාගේ කීර්ති නාමයට බලවත් හානියක් සිදුකර ඇති බවත්, පසුගිය 08 වැනිදා තංගල්ල ප්රදේශයේ දී පොදු ජන පෙරමුණට එරෙහිව සංවිධානය කළ විරෝධතාවයට ද සුනිල් වටගල කළ මෙම ප්රකාශය පාදක වී ඇති බවත් නාමල් රාජපක්ෂගේ නීතිඥවරු පෙන්වා දෙති.
අදාල රුපියල් බිලියනය නොගෙවන්නේ නම් එම මුදල අය කරගැනිම සඳහා නඩු පවරන බව නාමල් රාජපක්ෂ නීතිඥයින් මාර්ගයෙන් සුනිල් වටගල වෙත දැනුම් දී තිබේ.
ඊයේ පාර්ලිමේන්තුවේ කතා කරමින් පාර්ලිමේන්තු මන්ත්රී නාමල් රාජපක්ෂ පැවසුවේ පාර්ලිමේන්තුවෙන් පිටත සිය ඡායා රූපය පෙන්වමින් කුඩු ගැන කතා කළ මාළිමාවේ දේශපාලකයාට එරෙහිව නීතිය ක්රියාත්මක කරන බවත්, නීතියේ සාධාරණත්වය තමන් සම්බන්ධව ලැබෙනු ඇතැයි තමන් විශ්වාස කරන බවත්ය.
