ජනාධිපති අනුර කුමාර දිසානායක විසින් පත් කරනු ලැබූ නව පොලිස්පති ලෙස ජ්යෙෂ්ඨ නියෝජ්ය පොලිස්පති නීතීඥ ප්රියන්ත වීරසූරිය අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක අතින් අද (13) භාර ගත්තේය.
ශ්රී ලංකා ප්රජාතාන්ත්රික සමාජවාදී ජනරජයේ ආණ්ඩුක්රම ව්යවස්ථාවේ 61ඉ(ආ) ව්යවස්ථාව ප්රකාරව ආණ්ඩුක්රම ව්යවස්ථා සභාවේ අනුමැතියද මෙම නව පත්වීම සඳහා ලබී ඇත.
ඒ අනුව, ශ්රී ලංකා පොලිසියේ 37 වන පොලිස්පතිවරයා ලෙස නීතීඥ ප්රියන්ත වීරසූරිය ඉතිහාසයට එක් වේ.
මේ දක්වා ශ්රී ලංකා පොලිසියේ පොලිස් කොස්තාපල්, උප පොලිස් පරීක්ෂක සහ සහකාර පොලිස් අධිකාරී යන අවධි තුනම පසු කරමින් පොලිස්පති ධුරයට පත් වූ පළමු පොලිස්පතිවරයා වන්නේද නීතීඥ ප්රියන්ත වීරසූරිය ය.
