නුවරඑළිය මහ නගර සභාව මගින් පාලනය කරනු ලබන ග්රේගරි වැව ඉවුරේ ඇවිදින මංතීරුවක් ඉදි කිරීම සංවර්ධන ව්යාපෘති කිහිපයක් ක්රියාත්මක කරන බව පවසමින් නගර සභාව විසින් පෙරේදා (22) සිට වැවේ ජලය හිස් කිරිමට පියවර ගැනීම නිසා තමන් කරකියාගත නොහැකි ලෙස අසරණ වී සිටින බව ග්රේගරි වැවේ බෝට්ටු සේවා සංගමයේ සමාජිකයෝ කීහ.
කොවිඩ් වසංගතයත් සමග මාස කිහිපයක් තිස්සේ නුවරඑළියට සංචාරකයින් නොපැමිණිම නිසා රැකියාවෙන් තාවකාලිකව ඉවත් වි සිටි ඔවුන් යළි ජීවිතය පටන් ගත්තේ පසුගිය නොවැම්බරයේ යළි සංචාරක ආගමනයත් සමග බව ඔවුහු පැවසූහ.
සෞඛ්ය මාර්ග උපදෙස් වලට අනුව යළිත් බෝට්ටු සේවාව පවත්වාගෙන යන අතරතුර වැවේහි ජලය හිස් කිරිමට නුවරඑළිය මහ නගර සභාව කටයුතු කර ඇති බව එම සංගමය ප්රකාශ කරයි.
මෙම දිනවල නුවරඑළියට දෙස් විදෙස් සංචාරකයින් විශාල පිරිසක් පැමිණෙන බවත් ග්රේගරි වැවේ ජලය හිස් කිරීම හේතුවෙන් ඔවුන්ට විනෝද විමට අවස්ථාවක් නොලැඹීම නිසා බෝට්ටු සේවා කාර්මාන්තයේ යෙදි සිටින 175 දෙනෙකු පමණ දැඩි පිඩාවට පත් වි සිටින බවත් ඔවුහූ කීහ.
ග්රේගරි වැවේ සංවර්ධන කටයුතු සිදු නොකිරීම නිසා මේ වන විට වැවේ රොන්මඩ තැන්පත් වි ජපන් ජබර පැළැටී ජලාශය ආක්රමණය කර තිබෙන බව නුවරඑළිය මහ නගර සභාවේ හිටපු නගරාධිපති සහ වත්මන් නාගරික මන්ත්රි මහින්ද දොඩම්පේගමගේ කීය.
නගර සභාව මගින් ආරම්භ කළ සංවර්ධන කටයුත්ත නත්තල් සමය අවසන් වීමෙන් පසු කළ යුතුව තිබූ බවත් මේ නිසා නුවරඑළියට මෙම දිනවල පැමිණෙන දෙස් විදෙස් සංචාරකයින්ට ග්රේගරි වැව පරිශ්රයට ගොස් සතුටු විමට නොහැකි තත්ත්වයක් මතුව තිබෙන බවත් ඔහු පැවසුවේය.
මේ සම්බන්ධයෙන් අප නුවරඑළිය නගර සභාවේ නගරාධිපතිවරයා සහ නුවරඑලිය මහ නගර සභාවේ නාගරික කොමසාරිස්වරියගෙන් කරුණු විමසිමට අවස්ථා කිහිපයකදි උත්සහ කළත් එය ව්යාර්ථ විය.
