ශ්රියානි විජේසිංහ –
-
තීරු බදු නැති වාහන බලපත්රයක් හෝ සැලකිය යුතු ප්රවාහන දීමනාවක් දුන්නොත් ඇඟිලි සලකුණු යන්ත්රයට ඉඩ දෙනවාදැයි සලකා බලන්න පුලුවන්.. විකිරණවේදී සංගමයේ සෞඛ්ය බලධාරීන්ට කියයි!
උතුරු පළාතේ වව්නියාව දිස්ත්රික්කය තුල පිහිටි සියලුම රෝහල් සහ සායනයන් හි සේවයේ නියුතු සමස්ථ සෞඛ්ය කාර්ය මණ්ඩලවලට ලබන දෙසැම්බර් මාසයේ සිට ඇඟිලි සලකුණ යන්ත්රය අනිවාර්ය කිරීමට තීරණය කර ඇත.
මෙම යන්ත්රයට අනුව සෞඛ්ය කාර්යය මණ්ඩල සියලුම සමාජිකයින්ට අතිකාල සේවා හිමිකම් ගෙවිමට කටයුතු කරන්න ලෙස ප්රාදේශීය සෞඛ්ය සේවා අධ්යක්ෂවරයා විසින් අදාල රෝහල් වෙත ලිඛිතව දැනුම් දී ඇත.
අතිකාල හිමිකම් වවුචර් පරික්ෂා කිරිමේ නිලධාරීයා එම වවුචර්පත් සහතික කිරිම අනිවාර්යය කරමින් මෙම ලිපිය නිකුත් කර තිබේ.
ඔහු තවදුරටත් මෙම ලිපියේ සඳහන් කර ඇත්තේ ඇඟිලි සලකුණු යන්ත්ර නොවැම්බර් 30 වන දිනට පෙර ස්ථාපනය කර එය ක්රියාත්මක වන බව තහවුරු කර ගන්නා ලෙසයි.
ඇඟිලි සලකුණු යන්ත්ර නැවත ක්රියාත්මක කිරිමට යාම සම්බන්ධයෙන් ලංකාසර රජයේ වෛද්ය නිලධාරින්ගේ සංගමයෙන් විමසු කළ එහි ලේකම් වෛද්ය ප්රභාත් සුගතදාස සඳහන් කළේ ඇඟිලි සලකුණු තැබීම විධායක ශ්රේණියේ නිලධාරින්ට අදාල කටයුත්තක් නොවන බවත් ඔවුන් පවත්වාගෙන යනු ලබන්නේ රාජකාරිමය දිනපොතක් බවත් ය.
මෙම දිනපොත් මාසය වඅසානයේදී රෝහල් අධ්යක්ෂවරයාට පෙන්වා සිය අනුමැතිය ලබා ගැනීමක් කරන බව සංගමයේ ලේකම් වෛද්ය ප්රභාත් සුගතදාස පැවසුවේය.
කෙසේ නමුත් වෛද්ය සේවාව යනු වගකීමේ සේවාවකට වඩා වගවීමේ සේවාවක් යැයි ලංකාසර කළ විමසුමකදී කීය.
මේ වන විට යෝජනා වී ඇති බවට හෙලිවන්නේ ඇඟිලිසලකුණ තැබීමේ ක්රමය රෝහල් පරිපාලන සේවාවට හා රෝහල් ලිපිකරු සේවාවට පමණක් යැයිද තමා මේ සම්බන්ධයෙන් දැනුවත් වී නොමැති බැවින් නිශ්චිතව යමක් ප්රකාශ නොහැකි යැයිද හෙතෙම පැවසුවේය
කෙසේ නමුත් රජයේ විකිරණවේදීන්ගේ සංගමයේ සභාපති චානක ධර්මවික්රම සඳහන් කළේ සෞඛ්ය පද්ධතියට ඇඟිලි සලකුණ යන්ත්රය ක්රියාත්මක කරන්නේ නම් සමස්ථ සෞඛ්ය කාර්යය මණ්ඩල වෙනුවෙන් ක්රියාත්මක කළ යුතුබවයි.
එක් ශ්රේණියකට දෙකකට පමණක් විශේෂත්වයක් දක්වා ඇඟිලි සලකුණු යන්ත්ර ක්රියාත්මක කළහොත් සෞඛ්ය ක්ෂේත්රයේ අනෙකුත් වෘත්තීය සමිති සමඟ පාරට බසින බවද හෙතෙම පැවසුවේය.
පොදු ප්රවාහන සේවාව යථාවත් නොකර ඇඟිලිසලකුණ් යන්ත්ර ක්රියාත්මක කිරිමට ප්රතිපලදායක නොවන බවත් තීරුබදු රහිත වාහන බලපත්රයක් හෝ ප්රවාහන වියදම් ලෙස ගාස්තුවක් ගෙවන්නේ නම් හෝ ඇඟිලි සලකුණු යන්ත්ර ක්රියාත්මක කරන්නේ නම් ඒ ගැන සලකා බැලිය හැකි බවත් ධර්මවික්රම පැවසුවේය.
සෞඛ්ය සේවය විධිමත් කිරීම සදහා එහි පරිපාලන විනය ගොඩ නැන්වීමට ක්රියාත්ම කිරීමට යෝජනා කර රුපියල් කෝටි ගණන් වැය කරගෙන්වූ ඇඟිලි සලකුණු යන්ත්ර ක්රියාත්මක නොවීම සම්බන්ධව සිදුකළ විගණනයේ දී ගණන් දීමේ නිලධාරියා පවසා තිබුණේ වෘත්තීය සමිති මෙම ක්රියාවලිය පවත්වා ගැනීමට ඉඩ නොදෙන බවය. පහත ලිපියත් කියවන්න….
