සංවර්ධනය වෙමින් පවතින රටවල්වලට දේශගුණික වෙනස්වීම් සමඟ සටන් වැදීම සඳහා සංවර්ධිත රටවලින් මූල්ය, තාක්ෂණ හුවමාරුව හා ධාරිතා ගොඩනැඟීම සම්බන්ධයෙන් ඉන්දියාව ‘ක්රියාමාර්ගයක්’ මේ දිනවල ඊජිප්තුවේදී පැවැතවෙන කොප් 27 (COP27) සමුළුවේදී ඉන්දියාව ඉල්ලා සිටින බව ඉන්දීය පරිසර අමාත්ය භූපෙන්දර් යාදව් පැවසීය.
ප්රදාන, ණය හෝ සහනාධාර වේවා දේශගුණික විපර්යාසවලට හැඩ ගැසීමේ හා අවම කිරීමේ මූල්ය ලෙස හඳුන්වන්නේ කුමක්දැයි යන්න පිළිබඳව ඉන්දියාව පැහැදිලි කිරීමක් සොයනු ලබන අතර රාජ්ය හා පෞද්ගලික මූල්ය වෙන් කළ යුතු බවට ද ඉල්ලිම් කර තිබෙන බව අමාත්යවරයා පවසයි.
එන්ඩිටීවී (NDTV) පුවත් සේවය වාර්තා කරන්නේ, නොවැම්බර් 6 වෙනිදා සිට 18 දක්වා ඊජිප්තුවේ ශාර්ම් එල් ෂෙයික් හිදී සංවිධානය කරනු ලබන COP 27 සමුළුවට ඇමරිකානු ජනාධිපති ජෝ බයිඩන්, බ්රිතාන්ය අගමැති රිෂී සුනක් ඇතුලු රාජ්ය නායකයින් සීයකට වැඩි සංඛ්යාවක් සහභාගී වීමට නියමිත බවයි.
කෙසේ වෙතත් මෙම සමුළුවට ඉන්දීය අග්රාමාත්ය නරේන්ද්ර සිං මෝදි සහභාගී වෙන්නේ ද යන්න තවමත් ස්ථිර කර නැත.
මේ අතර දේශගුණික ක්රියාමාර්ග සඳහා වසරකට භාවිතා කරන මුදල ඇමරිකානු ඩොලර් බිලියන 100ක් දක්වා ඉහළ දැමීමේ ගැටළුවත් සමඟින් සමහර සංවර්ධිත රටවල් පවා ඉන්දියාව සමඟ එක්ව ප්රශ්න කරනු ඇතැයි නිළධාරියෙකු පවසා තිබේ.
2009 දී කෝපන්හේගන් හි පැවැති COP15 සමුළුවේදී සංවර්ධිත රටවල් වසරකට ඩොලර් බිලියන 100ක් මුදල් එකතුවක් දේශගුණික විපර්යාසවල බලපෑම් සමඟ කටයුතු කිරීම සඳහා සංවර්ධනය වෙමින් පවතින රටවලට උපකාර කිරීමට යෙදවිය යුතු යැයි තීරණය කෙරිණි.
